Popular Bible Verses from Ḳhurúj 9

Share

Par maiṉ ne tujhe fi’lhaqíqat is liye qáim rakkhá hai, ki apní quwwat tujhe dikháúṉ, táki merá nám sárí dunyá meṉ mashhúr ho jáe.

Tab ḲHUDáWAND ne Músá se kahá, Fir‘aun ke pás jákar us se kah, ki ḲHUDáWAND, ‘Ibráníoṉ ká Ḳhudá, yúṉ farmátá hai, ki Mere logoṉ ko jáne de, táki wuh merí ‘ibádat kareṉ.

Aur maiṉ ne to abhí háth baṛhákar tujhe aur terí ra‘íyat ko wabá se márá hotá, aur tú zamín par se halák ho játá.

to dekh, ḲHUDáWAND ká háth tere chaupáyon par, jo khetoṉ meṉ haiṉ, ya‘ní ghoṛoṉ, gadhoṉ, úṉṭoṉ, gáe bailoṉ aur bheṛ bakriyoṉ par aisá paṛegá, ki un meṉ baṛí bhárí marí phail jáegí. Aur ḲHUDáWAND Isráíl ke chaupáyoṉ ko Misríoṉ ke chaupáyoṉ se judá karegá, aur jo baní Isráíl ke haiṉ, un meṉ se ek bhí nahíṉ maregá.

Dekh, maiṉ kal isí waqt aise baṛe baṛe ole barsáúṉgá, jo Misr meṉ jab se us kí bunyád ḍálí gayí áj tak nahíṉ paṛe. Pas ádmí bhejkar apne chaupáyoṉ ko aur jo kuchh terá mál khetoṉ meṉ hai, us ko andar kar le, kyúṉki jitne ádmí aur jánwar maidán meṉ hoṉge aur ghar meṉ nahíṉ pahuṉcháe jáeṉge, un par ole paṛeṉge, aur wuh halák ho jáeṉge.

Aur wuh sáre mulk i Misr meṉ bárík gard hokar Misr ke ádmíoṉ aur jánwaroṉ ke jism par phoṛe aur phaphole ban jáegí. So wuh bhaṭṭhí kí rákh lekar Fir‘aun ke áge já khaṛe húe; aur Músá ne use ásmán kí taraf uṛá diyá; aur wuh ádmíoṉ aur jánwaroṉ ke jism par phoṛe aur phaphole ban gayí.