Popular Bible Verses from Paidáish 15

Share

Aur wuh ḲHUDáWAND par ímán láyá: aur ise us ne us ke haqq meṉ rástbází shumár kiyá.

In bátoṉ ke ba‘d ḲHUDáWAND ká kalám royá meṉ Abrám par názil húá aur us ne farmáyá, Ai Abrám, tú mat ḍar: maiṉ terí sipar aur terá bahut baṛá ajr húṉ.

Aur wuh us ko báhar le gayá, aur kahá, ki Ab ásmán kí taraf nigáh kar, aur agar tú sitároṉ ko gin saktá hai, to gin: aur us se kahá, ki Terí aulád aisí hí hogí.

Tab ḲHUDáWAND ká kalám us par názil húá aur us ne farmáyá: Yih terá wáris na hogá, balki wuh jo tere sulb se paidá hogá, wuh terá wáris hogá.

Aur us ne Abrám se kahá, ki Yaqín ján ki terí nasl ke log aise mulk meṉ, jo un ká nahíṉ, pardesí hoṉge, aur waháṉ ke logoṉ kí g̣ulámí kareṉge, aur wuh chár sau baras tak un ko dukh deṉge

Abrám ne kahá, ki Ai Ḳhudáwand ḲHUDá, tú mujhe kyá degá? kyúṉki maiṉ to beaulád játá húṉ, aur mere ghar ká muḳhtár Damishqí Ilí‘azar hai.

Usí roz ḲHUDáWAND ne Abrám se ‘ahd kiyá aur farmáyá, ki Yih mulk daryá e Misr se lekar us baṛe daryá, ya‘ní daryá e Furát tak

Aur wuh chauthí pusht meṉ, yaháṉ lauṭ áeṉge; kyúṉki Amoríoṉ ke gunáh ab tak púre nahíṉ húe.