Popular Bible Verses from Paidáish 26

Share

Tú isí mulk meṉ qiyám rakh, aur maiṉ tere sáth rahúṉgá, aur tujhe barakat baḳhshúṉgá; kyúṉki maiṉ tujhe, aur terí nasl ko, yih sab mulk dúṉgá, aur maiṉ us qasam ko, jo maiṉ ne tere báp Abrahám se kháí, púrá karúṉgá.

Aur maiṉ terí aulád ko baṛhákar ásmán ke tároṉ kí mánind kar dúṉgá, aur yih sab mulk terí nasl ko dúṉgá; aur zamín kí sab qaumeṉ terí nasl ke wasíle se barakat páeṉgí; is liye ki Abrahám ne merí bát mání, aur merí nasíhat aur mere hukmoṉ aur qawánín o áín par ‘amal kiyá.

So wuh waháṉ se dúsrí jagah chalá gayá aur ek âur kúáṉ khodá, jis ke liye unhoṉ ne jhagṛá na kiyá; aur us ne us ká nám Rahobot rakkhá, aur kahá, ki Ab ḲHUDáWAND ne hamáre liye jagah nikálí, aur ham is mulk meṉ baromand hoṉge.

Aur ḲHUDáWAND ne us par záhir hokar kahá, ki Misr ko na já; balki jo mulk maiṉ tujhe batáúṉ us meṉ rah.

Aur us ne waháṉ mazbah banáyá, aur ḲHUDáWAND se du‘á kí, aur apná ḍerá wahíṉ lagá liyá; aur waháṉ Izháq ke naukaroṉ ne ek kúáṉ khodá.