Popular Bible Verses from Ahbár 26

Share

Aur maiṉ tumháre darmiyán chalá phirá karúṉgá, aur tumhárá Ḳhudá húṉgá, aur tum merí qaum hoge.

to maiṉ tumháre liye bar waqt meṉh barsáúṉgá; aur zamín se anáj paidá hogá, aur maidán ke daraḳht phalenge

Agar tum sharí‘at par chalo aur mere hukmoṉ ko máno, aur un par ‘amal karo

Aur maiṉ mulk meṉ amn baḳhshúṉgá, aur tum sooge, aur tum ko koí nahíṉ ḍaráegá; aur maiṉ bure darandoṉ ko mulk se nest kar dúṉgá, aur talwár tumháre mulk meṉ nahíṉ chalegí.

aur maiṉ tum par nazar i ‘ináyat rakkhúṉgá, aur tum ko baromand karúṉgá, aur baṛháúṉgá; aur jo merá ‘ahd tumháre sáth hai, use púrá karúṉgá

Maiṉ ḲHUDáWAND tumhárá Ḳhudá húṉ, jo tum ko mulk i Misr se isí liye nikálkar le áyá, ki tum un ke g̣ulám na bane raho; aur maiṉ ne tumháre júe kí chobeṉ toṛ ḍálí haiṉ, aur tum ko sídhá khaṛá karke chaláyá.

Aur maiṉ apná maskan tumháre darmiyán qáim rakkhúṉgá; aur merí rúh tum se nafrat na karegí.

Tum apne liye but na banáná, aur na koí taráshí húí múrat, yá láṭ apne liye ḳhaṛí karná, aur na apne mulk meṉ koí shabíhdár patthar rakhná, ki use sijda karo; is liye ki maiṉ ḲHUDáWAND tumhárá Ḳhudá húṉ.

aur tum ‘arse ká zaḳhíra kiyá húá puráná anáj kháoge, aur naye ke sabab se puráne ko nikál báhar karoge.

Aur tumháre páṉch ádmí sau ko ragedeṉge, aur tumháre sau ádmí das hazár ko khadeṛ deṉge; aur tumháre dushman talwár se tumháre áge áge máre jáeṉge

yaháṉ tak ki angúr jama‘ karne ke waqt tak tum dáote rahoge, aur jotne bone ke waqt tak angúr jama‘ karoge, aur peṭ bhar apní roṭí kháyá karoge, aur chain se apne mulk meṉ base rahoge.

Aur tum apne dushmanoṉ ká píchhá karoge, aur wuh tumháre áge áge talwár se máre jáeṉge.

Tum mere sabtoṉ ko mánná, aur mere maqdis kí ta‘zím karná. Maiṉ ḲHUDáWAND húṉ.