Popular Bible Verses from Lúqá 13

Share

Us ne un se kahá; Jánfishání karo, ki tang darwáze se dáḳhil ho; kyúṉki maiṉ tum se kahtá húṉ, ki bahutere dáḳhil hone kí koshish kareṉge, aur na ho sakeṉge.

Aur dekho, ek ʻaurat thí, jis ko aṭhárah baras se kisí badrúh ke báʻis kamzorí thí; wuh kubṛí ho gayí thí, aur kisí tarah sídhí na ho saktí thí. Yisúʻ ne use dekhkar pás buláyá, aur us se kahá; Ai ʻaurat, tú apní kamzorí se chhúṭ gayí.

Aur us ne us par háth rakkhe: usí dam wuh sidhí ho gayí, aur Ḳhudá kí baṛáí karne lagí.

Aur dekho, baʻz áḳhir aise haiṉ, jo awwal hoṉge, aur awwal haiṉ, jo áḳhir hoṉge.

Jab ghar ká málik uṭhkar darwáza band kar chuká ho, aur tum báhar khaṛe húe darwáza khaṭkhaṭákar yih kahná shurúʻ karo, ki Ai Ḳhudáwand, hamáre liye khol de; aur wuh jawáb de, ki Maiṉ tum ko nahíṉ jántá, ki kaháṉ ke ho

Maiṉ tum se kahtá húṉ, ki nahíṉ: balki agar tum tauba na karoge, to sab isí tarah halák hoge.

Magar wuh kahegá; Maiṉ tum se kahtá húṉ, ki maiṉ nahíṉ jántá, tum kaháṉ ke ho; ai badkáro, tum sab mujh se dúr ho.

Pas wuh kahne lagá; Ḳhudá kí bádsháhat kis kí mánind hai? maiṉ us ko kis se tashbíh dúṉ? Wuh ráí ke dáne kí mánind hai, jis ko ek ádmí ne lekar apne bág meṉ ḍál diyá; wuh ugkar baṛá daraḳht ho gayá, aur hawá ke parandoṉ ne us kí ḍáliyoṉ par baserá kiyá.