Popular Bible Verses from Eòin 13

Share

“Àithne ùr tha mi a' toirt dhuibh, gun gràdhaich sibh a chèile. Dìreach mar a ghràdhaich mise sibhse, feumaidh sibh fhèin a chèile a ghràdhachadh cuideachd. Le seo aithnichidh na h‑uile gur sibh mo dheisciobail‑sa, ma bhios gràdh agaibh dha chèile.”

Mar sin, ma nigh mise – ur Tighearna agus ur Fear‑Teagaisg – ur casan‑se, bu chòir dhuibhse cuideachd casan a chèile a nighe. Oir thug mi eisimpleir dhuibh, airson 's gun dèanadh sibhse cuideachd mar a rinn mise dhuibhse.

Fhreagair Ìosa, “An rud seo a tha mi a' dèanamh cha tuig thusa an‑dràsta, ach tuigidh tu às dèidh seo.”

Gu deimhinn, deimhinn tha mi ag ràdh ribh, chan eil seirbheiseach nas motha na a mhaighstir, agus chan eil teachdaire nas motha na an neach a chuir a‑mach e.

Mas aithne dhuibh na rudan seo, is beannaichte a tha sibh ma nì sibh iad.”

Dh'èirich Ìosa on t‑suipeir, agus chuir e dheth an t‑aodach‑uachdair aige, agus a' gabhail grèim air searbhadair, shuain e mun cuairt air fhèin e. An uair sin, dhòirt e uisge ann an soitheach‑nighe, agus thòisich e air casan nan deisciobal a nighe agus an tiormachadh leis an t‑searbhadair a bha suainte mun cuairt air fhèin.