Popular Bible Verses from Mareko 10

Share

Na, Ŋei Wawainane Gipoleŋo sarikole, na ŋei ŋerep korop eŋane qelit qeqe okane more qesiŋ ŋunmaile. Ŋei ŋerep edo na mi qesiŋ nanmami. Na, ŋei ŋerep qesiŋone more solane qikkawe ŋei ŋerep ma menaŋ-oniyakane sarikole.

Eŋe yale rauso, Yesu eŋe deenoka pore one okora rake, Kepeo ŋei ŋerep ŋine ŋaŋaemami. Ŋo Kaisale wekuŋo eŋe mi ŋaŋaemaike. Kaisale eŋe kine kine korop ma wareyakane, eŋe maine mi qekayake.

Yesuŋo olatke, Ge maine koso arinom. Mali malipŋoneŋo maki deŋone potmaine. Yale raki, ikopka deine lotkeki pore ka more, Yesu ŋadino mogare arike.

Kaisaleŋo don yale ra more ŋao ŋanom maturaŋ-otke. Ŋeiŋo maine mi mapok-osikei.

Yesu eŋe ka more eŋane simile dere more olatke, Ge kine kine weku mi okanine. Eya makoboenom, ge ari more wesi aboŋŋone korop eya ma more ŋei aboŋene midaine eŋe sunonikene. Sunone more yalinane baŋ gege togon mat marat-kaikene. Pakiso geŋone sari ŋadeno mogat-nane sarikene.

Yesuŋo olatke, Na dalino okan-ganikalane ramaine? Ŋei deine pilik pilikine eŋe rake, Kito ŋebon ŋebon na dene koso posikalane ramaile.

Masi yewa koso ŋinane keuwo mane misuk wakoniyake! Midakaka togogole! Ŋei ŋinane keuwo ŋine ware ware ŋine okorayakane, ra more eŋe ŋei magu eŋane qelit qeqe okaniyake.

Na welekatne ŋidane ramaile. Medep nigatne eŋe Kaisaleŋo wareoniyakane siminonmaike. Ŋo ŋei natne eŋe Kaisaleŋo wareoniyakane mi siminonmaikeo, eŋe Kaisale wane ware ware kepeo mi wakesikei.

Ŋei loutne ukude tego lewine okoramami. Eŋe naso kutno mawe tego ŋadino kesikei. Ŋo ŋei loutne ukude tego ŋadino okoramami, eŋe naso kutno mawe tego lewine waikei.

Moka sogino Kaisale eŋe kine kine ma wakon-wareke, naso yewao yale mi rake. Kaisale papa togon don iwa yale qeki paki, ‘Kaisaleŋo ŋei so ŋerep ma wakonore more biraotke.’ So, ‘Ŋei eŋe ŋerep mayakane okane more eŋe nagamagaine qeliŋore more ŋanominerop qeturage more, weku okangeik. Ere ŋao ŋanom okane more, solaetne qeduguwik, weku okangi gekeik.’