Popular Bible Verses from Mareko 9

Share

Yesu eŋe olatke, Ge onoka wane qesonnane ramaine, ge ŋaŋaemaine? Ŋei mane eŋe mali malip togole malipkayakeo, eŋano kine kine korop maine mawe wakonwarekei.

Medep magaine ikopka boka rake, Na ge malip ganmaile. Ŋo na mali malipne togole mida. Ge siluŋ maine mapit-nanikene!

Yesu eŋe yale okane more matko waki, dokoine eŋe enŋeneka san qesonka rakoi, Ŋene dalino wane asu qotkoine eya esop kaikenane ŋaŋaine? Pakiso, Yesu eŋe edange, Kine kine natneŋo asu qotkoine eya maine mi esopkayake. Meŋe meŋen wekuŋo maine esopkayake.

Kiwet wekumane. Ŋo eŋane zonomine midayakeo, ge maine koso mi manom zonominerop okaniyake. Koto ŋine peyamine Kisi Maip korop Waom don gorop pakep Peyamŋo gegeze maki togole pakep. Ge ŋei ŋerep korop eŋerop Waom wane ewe zonomŋo koto ŋono watkeki kima kima ge okanikene.

Ŋei mane eŋe naŋane tungo medep nigatne iwa yale mapitkayakeo, eŋe na mapit nanmaike okanmaike. Ŋei mane eŋe na mapit naniyakeo, eŋe magak biranangi ketkole, eŋe weneŋ mapit kamaike yale okanmaike.

Naso ŋine doku wane seukeu, ŋei mane eŋe ŋine ŋune more detŋuniyake, Yesu wane dokoine, yale dere more doku ore ŋibongi nekeiwo, na welekatne ŋidanmaile. Ŋei yewa eŋe lewine manikale.

Medep nigatne iwa eŋe mali malipine naŋano pamaike, eya ŋei maneŋo mataliyakeo, Kaisale ŋo ŋei yewa wikile suwaine maniyake

Ŋo, ge deŋoneŋo isigangi mali malipŋone matalikeneo, ge maine deŋone nat mi qe koko porike more etkeka gekeneo, ge sola so oŋaoŋa weneŋ gerep sora qoin qoine midaine yewao kesikene.