Popular Bible Verses from Mareko 6

Share

Pakiso, ŋei ŋerep louloutne Yesu wano ari sari okanbi, eya wane eŋe ŋara mire nene wane numaine mi wakonge. Eya wane Yesuŋo dokoine edane rake, “Wiyeu, kepe ŋeiine midaino, ari more ŋenzeka nigatne mere zonom maŋem.”

Eya wane Yesuŋo iwa yale edange. “Kaisale wane qelit ŋei, propet eŋe mat baŋem kisi maep urata ma ge arimami, edo eŋane eŋetene zok mawaon okanmami. Ŋo, matkopene so weŋem sotak so magak nabok wakon wakon matene kotino edo eŋane eŋetene maket bira-on okanmami.”

Yesu eŋe seki qeliŋka ket more ŋei ŋerep magu suwaine yewa one more qom borik suwaine eŋane okange, eŋe ongi maine mi metlukkoi. Eŋe medep nigatne nagamagaene seuseune, wanap yale metpi, Yesu eŋe kisi maep loutne kito ebonge.

Eso yalinane Yesu matkoune ŋei ŋerep eŋane mali malipene mi pake, eya wane Yesu eŋe pore ka more masi togogole eŋano zok mi make. Eŋe zoma ŋei ŋerep weku weku metine more ma menaŋonge. Pakiso, Yesu eŋe Nasaret mat qelige ari, mat natne yewao lolike ge more, Kaisale wane kisi maep ŋei ŋerep edange. Ŋo ŋei ŋerep eya eŋe wetŋo mi malipkakoi, eŋane yemo dere mezet okange.

Metpiso, Yesuŋo kasap mete mane so zawon etke eya ma more malipka okora qeliwo potki waki mosopka more kasap so zawon eya mapoke more, dokoine ebongi, damo qe ŋei ŋerep magu yewa ebonwarekoi. Paki, ŋei ŋerep magu yewa eŋe korop neu ŋatene qeki rokop onwareke. Paki dokoine eŋe ŋara nekoi, eya wane tutule eya qedugu more rosa 12 yale rosakkoi.