Popular Bible Verses from San Juan 19

Share

Mʉorena chʉ'chʉ ũku pi'ni ija'che i'kasi'kʉa'mʉ repaʉ: —Peore cho'o pi'nicuhasi'ea'me —chini meñe sime jũnisõsi'kʉa'mʉ repaʉ.

Jã'aja'ñe i'ka pi'ni, “Ja'kʉ chʉ̃'ʉ jo'kasi'e peore cho'o pi'nicuhasi'ea'me”, chini cuasakʉ ija'che i'kasi'kʉa'mʉ: —Okoʉamʉ chʉ'ʉre —chiisi'kʉa'mʉ repaʉ. Jã'aja'ñe i'kakʉ Dios chʉ'o aperʉmʉ kʉasina tocha jo'kasi'e kʉache'te ũcuarepa cho'osi'kʉa'mʉ repaʉ.

Nʉkajʉna chʉ'ʉ Jesús neekʉ repaʉ rʉa chiicojñokʉ repaʉ pʉka'kore kueñe nʉkasi'kʉa'mʉ. Nʉkakʉna ña Jesús repaʉ pʉka'kore i'kasi'kʉa'mʉ. —Ja'ko, mʉ'ʉ chĩija'iʉ pa'ija'mʉ ikʉ —chiisi'kʉa'mʉ repaʉ chʉ'ʉre. Chini chʉ'ʉre ũcuaja'che i'kasi'kʉa'mʉ repaʉ— Mʉja'koja'io pa'ija'mo iko —chiisi'kʉa'mʉ repaʉ. Jã'aja'ñe i'kaʉna asa jã'arʉmʉpi teana repao'te chʉ'ʉ vʉ'ena sa kuirasi'kʉa'mʉ chʉ'ʉ.

Cho'o pi'ni Jesure ñasinaa'me. “Ikʉta'ni jũnisõsi'kʉa'mʉ”, chini repaʉ cũ'a tʉ'ka jʉ'chemanesinaa'me. Jã'ata'ni sõtao te'eʉ cʉnarʉji Jesús me'jupona totasi'kʉa'mʉ. Totaʉna chiena'me oko raisi'kʉa'mʉ repaʉ totasicoje.

Repaʉ cũ'are tʉ'ka jʉ'chemanerena Dios chʉ'o aperʉmʉ kʉakaisina tocha jo'kasi'e ũcuarepa ti'jñesi'kʉa'mʉ. Repaʉ tara te'etarapʉjẽ'e jʉchʉmaneja'mʉ, chiimʉ repa tocha jo'kasi'e. Dios chʉ'o tochasiphʉro chekʉcheja ija'che kʉamʉ: Repana totasi'kʉre ñajanaa'me pãi, chiimʉ.

Sajʉna Jesús repaʉ'te jẽ'jo nʉkojasẽ'vero kurususẽ'vero kuãiʉ Calavera aikũtina Pãi sĩjopʉjakũti chiikũtina saisi'kʉa'mʉ. “Calavera” chini “Gólgota” chiimʉ hebreo chʉ'o.

Ũcuachi'a miu tuhivʉ cho'o Jesús sĩjopʉna tʉo kãa pãi chʉ̃'ʉna ju'ikãare chimaajakãare sachaasome repaʉ'te.