Popular Bible Verses from San Marcos 5

Share

Kʉaona asa Jesús i'kaasomʉ repao'te. —Mʉ'ʉva'o, “Ikʉ chʉ'ʉre vasoja'mʉ”, chiio cuasasi'kojeko vajʉcuhasi'koa'mo mʉ'ʉ. Sani re'oja'che pa'ijʉ̃'ʉ chura —chiniasomʉ Jesús repao'te.

Ũcuaja'che romio, docerepaʉ̃sʉrʉmʉ chie ravʉ jũ'iko ja'me paniasomo. Ʉ̃kochaipãi rʉa ʉ̃ko cho'ote'easome repao'te. Rʉa ʉ̃ko si'ache cho'ojʉna na'a rʉa jũniasomo repao. Ʉ̃kore kooko kuri peore repao paasi'e ro'isoasomo repao vajʉra chini.

Chẽaona chie raisi'e churata'ni teana cuhasoasomʉ repao'te. Cuhasoʉna repao vajʉsi'ere cuasaasomo repao.

Kaka Jesús jũ'isiva'o jʉ̃tʉna chẽakʉ i'kaasomʉ. —Talita, cumi —chiniasomʉ Jesús repava'ore. (“Talita, cumi” chini “Romichĩiva'o, vʉni nʉkajʉ̃'ʉ” chiimʉ tĩichʉ'o.)

Repaʉ Jesús chuta'a i'katona, pãi Jairo vʉ'e pa'isina rani i'kaasome Jairo'te. —Mʉ'ʉ chĩiva'o jũnisõcuhasi'koa'mo. Masiʉ'te jo'e i'kamanejʉ̃'ʉ —chiniasome repana Jairo'te. Repana i'kasi'e Jesús asa jachakʉ Jairo'te ija'che i'kaasomʉ: —Vajʉchʉmanejʉ̃'ʉ. Mʉ'ʉpi, “Chʉ'ʉ chĩiva'ore vasokaija'mʉ Jesús”, chiiʉ cuasato mʉ'ʉ chĩiva'o vajʉja'mo —chiniasomʉ repaʉ repaʉ'te.

Ro're pʉʉ ñu'iʉna Jesús ija'che i'kaasomʉ repaʉ'te: —Vati, ikʉre eta jo'ka saijʉ̃'ʉ —chiniasomʉ repaʉ. Jã'aja'ñe chikʉna vatire paakʉ cuikʉ i'kaasomʉ repaʉ'te: —Jesús, Cʉnaʉmʉ Pa'ikʉ Dios Mamakʉ, ¿ʉ̃que raikʉ mʉ'ʉ? Dios ñakʉ'te ie sẽemʉ chʉ'ʉ mʉ'ʉre: Asi cho'omanejʉ̃'ʉ chʉ'ʉre —chiniasomʉ repaʉ. Chikʉna Jesús vatire ija'che i'kaasomʉ: —¿Ʉ̃quemamiʉ'ʉ mʉ'ʉ? —chiniasomʉ repaʉ'te. —Chʉkʉna jainʉko pa'inajejʉ, Vati Kuanupʉ ve'eme —chiniasome vati.