Popular Bible Verses from Luk 17

Share

Inenitumu inyi ogwu enerieen̄ ya ibe, “Nan̄a keke, mè je fo, ke ichechieek kwun̄ îrọ mè lek kwun̄ inye.”

Ire ngwan̄ kwun̄ irọ owu ilọ mgbọ jaaba me egwe ge, mè igwu ikom inu me lek kwun̄ mgbọ jaaba cha inibe owu kpukpa ke ọmọ ìkpoyaka irọ ofifi, tele ijo kan̄ nyi.”

Mgbọ ene ge me lek ife cha omun̄be ibe ke lek kan̄ înye, igwugwu ikom inu, mè ikitaan̄ ukpo itọn̄ Awaji, mè initọbọ ekpe me ukot kè Jisọs, mè ikitọn̄ ọmọ. Ogwu enerieen̄ ya ògwugwu ikom inu ìre ogwu Sameria.

Eya orọ, ìgbala chieen̄ ìkpọ lek kinyi! Ire ngwan̄ kwun̄ irọ ijo inu, tumu ikọ nyi. Ire igwu ikom, tele ijo kan̄ nyi.

Jisọs onenido ọmọ ibe, “Ìre ìkare otutuuk akọp ene cha ke emi ngwa? Ìre ene onaan̄ge kechilọ cha ekup me owa?

Jisọs ofọfọọk ema ibe, “Ire enyi ikaan̄ ichechieek òsisip ikup kubọk ukwuuk uti mọsitadi, enyi mêkọt itumu inyi ikpele uti ile yi ibe, ‘Jibi nan̄a me ere yi, mè si keke me ejit okwaan̄,’ mè uti ya ogban̄ utọn̄, mè orọ ike enyi etumube.”

Ene geelek òweweek inyanyan̄a ugwem kan̄ me linyọn̄ keyi môfiin̄ ugwem ya. Ene geelek òchechieek ififiin̄ ugwem kan̄ me linyọn̄ keyi, ene ya môkaan̄ ugwem kan̄.

Jisọs onenitumu inyi ebi udun̄ kan̄ ibe, “Me atikọ, inu òkirọ inyi ene irọ ijo inu mônu owuwa owuwa. Ire, môfieek enenen inyi ene geelek inu cha oboje me ubọk inu. Me atikọ, ire itobo ikpele ewuuk ikọk-akpa me ebek ene ya, mè iben ọmọ itọp ito me okwaan̄, eya mônwọn me lek ene ya igak ene ya irọrọ inyi ene ge me lek ebi asasa chi ije ilọ.

“Ike îkupbe me ukot kè Nuwa, ikeya si ke ìbokup mgbọ Gwun̄ Ebilene môgwube ikom inu. Me ukot kè Nuwa, ebi ene kpekeek inu geege, ekpọkpọ ikiluk ugwem kiban̄ ifo isi, mè ikirie, mè ikinwọ, mè ikido nwa, mè ikisa bọn kiban̄ iche olom mege inire usen Nuwa onin̄be uji ọfọ ya. Mun̄ ile onunu, mè ikpan̄ otutuuk ife cha isan̄a kpai.