Luk 17
17
Ijejeen̄ ofolek irọrọ ijo inu
(Mat 18:6-7,21-22; Mak 9:42)
1Jisọs onenitumu inyi ebi udun̄ kan̄ ibe, “Me atikọ, inu òkirọ inyi ene irọ ijo inu mônu owuwa owuwa. Ire, môfieek enenen inyi ene geelek inu cha oboje me ubọk inu. 2Me atikọ, ire itobo ikpele ewuuk ikọk-akpa me ebek ene ya, mè iben ọmọ itọp ito me okwaan̄, eya mônwọn me lek ene ya igak ene ya irọrọ inyi ene ge me lek ebi asasa chi ije ilọ. 3Eya orọ, ìgbala chieen̄ ìkpọ lek kinyi! Ire ngwan̄ kwun̄ irọ ijo inu, tumu ikọ nyi. Ire igwu ikom, tele ijo kan̄ nyi. 4Ire ngwan̄ kwun̄ irọ owu ilọ mgbọ jaaba me egwe ge, mè igwu ikom inu me lek kwun̄ mgbọ jaaba cha inibe owu kpukpa ke ọmọ ìkpoyaka irọ ofifi, tele ijo kan̄ nyi.”
5Ebi otuchieen̄ kan̄ enenibe ọmọ, “Okaan̄-ene, ire ikeya, soso rọ mè ichechieek kiji imin igak ikeyi.”
6Jisọs ofọfọọk ema ibe, “Ire enyi ikaan̄ ichechieek òsisip ikup kubọk ukwuuk uti mọsitadi, enyi mêkọt itumu inyi ikpele uti ile yi ibe, ‘Jibi nan̄a me ere yi, mè si keke me ejit okwaan̄,’ mè uti ya ogban̄ utọn̄, mè orọ ike enyi etumube.”
7Inenido ema ibe, “Ire ene ge me lek kinyi iria ogwu usun̄ kan̄ ibe isi isi ikwaan̄ me uko kan̄, mè ìyaka ire isi ikpukpo arọọn̄ kan̄, ogwu usun̄ ya osisi. Mgbọ ogwu usun̄ ya isinan̄a me ere ikwaan̄ ya ika, ìre nte uwu kan̄ môtumu inyi ọmọ mgbọ yaage ibe, ‘Oka! Kpọ inorie yi, na siki kweek rie?’ 8In̄-in̄! Kpan̄asi ikeya, ìbotumu inyi ogwu usun̄ ya ibe, ‘Si rọ inorie nyi emi, mè nwene lek, mè na keke kpọ emi chieen̄ me lek mgbọ mâkirie inorie, mè ikinwọ miin̄. Nsirie eyi n̄a isan̄a, mgbọ ya, owu môkọt isi irie eyi kwun̄, mè inwọ miin̄.’ 9Ìtumu-nu, ìre ene ya môbe ogwu usun̄ kan̄ ya, ‘Owu onirọ,’ mije îrọbe inu ọmọ obe irọ? In̄-in̄, ìkpotumu ikeya kubọk ge. 10Ikeya si, enyi isirọ inu geelek ebe enyi erọ isan̄a, ikakiweek itọn̄. Kpan̄asi ikeya, ìkitumu ibe, ‘Eji ìre ebi ikwaan̄, eji kpegbe ebi ebetọtọn̄, mije, îre ikwaan̄ òkukup inyi eji ke eji erọ.’ ”
Jisọs îgwa akọp ebi inyakpa
11Jisọs onenikije me oniin̄ òkup me etete Sameria mè Galili, ibosi Jeruselem. 12Mgbọ ìkije ibonin̄ gwun̄ ama ge òkup me ere ya, akọp ebirieen̄ ebi inyakpa okifiak ejeje inikweek ọmọ me oniin̄, ire, kpeje iriaak ọmọ me lek. 13Ema ekekeke me ujọn̄ọ ere ikitaan̄ ukpo igwen ọmọ ibe, “Ogwu Nte Jisọs, soso to eji nsan!”
14Jisọs obebene chieen̄ imun̄ ema, mè itumu inyi ema ibe, “Ìfon, mè ìsa lek kinyi ìsi ìjeen̄ ebi ngwugwa.”#17:14 Libi 14:1-32 Mgbọ ema ekije ibesa lek kiban̄ isi ijeen̄ ebi ngwugwa cha, orukan̄ kiban̄ otata, ema etatana.
15Mgbọ ene ge me lek ife cha omun̄be ibe ke lek kan̄ înye, igwugwu ikom inu, mè ikitaan̄ ukpo itọn̄ Awaji, 16mè initọbọ ekpe me ukot kè Jisọs, mè ikitọn̄ ọmọ. Ogwu enerieen̄ ya ògwugwu ikom inu ìre ogwu Sameria.
17Jisọs onenido ọmọ ibe, “Ìre ìkare otutuuk akọp ene cha ke emi ngwa? Ìre ene onaan̄ge kechilọ cha ekup me owa? 18Ìre kpunu ene geege me etete ife cha òkọkọt igwu ikom initọn̄ Awaji ilọ me lek ogwu ichen yi gaalek?” 19Inenitumu inyi ogwu enerieen̄ ya ibe, “Nan̄a keke, mè je fo, ke ichechieek kwun̄ îrọ mè lek kwun̄ inye.”
Inunu mkpulu eyi Awaji
(Mat 24:23-28,37-41)
20Me mgbọ ge, ebi Farisi enenido Jisọs ibe mè ìre mkpulu eyi Awaji ìbonu mgbọ owa ye? Jisọs ofọfọọk ema ibe, “Inunu eyi mkpulu eyi Awaji ìkare inu ebilene mêkọtbe isa me lek inu ijejeen̄ ifuk iriọọn̄. 21Eya orọ, kpunu ene geege òbokọt itumu ibe, ‘Kpọ mkpulu eyi Awaji ire eyi,’ mè ìyaka ire, ‘Kpọ mkpulu eyi Awaji ire eyilọ,’ mije, mkpulu eyi Awaji ìkup me emen ejit kinyi.”
22Inenitumu inyi ebi udun̄ kan̄ ibe, “Mgbọ òkinu, mgbọ enyi mêweekbe ubọk emi Gwun̄ Ebilene mânikup me etete kinyi, ìrere egwe ge gaalek, ire, enyi kpebemun̄ emi. 23Mgbọ ya si, ebi ene mêbe enyi, ‘Ìkpọ, ke ọmọ ire ogwu,’ mè ìyaka ire, ‘Ìkpọ, ke ọmọ ire ogwulọ.’ Ire, ikalibi ìgọọk ojelek ebi ìkup ikeya. 24Mije, ike omumen-inyọn̄ okikebe me isinyọn̄, mè itoon̄ inan̄a me agan̄ ge isaba isi ire ofifi agan̄, ikeya si ke Gwun̄ Ebilene obokup me usen môkpọkbe inu. 25Ire, sabum mgbọ keya, Gwun̄ Ebilene môdasi imun̄ owuwa ufialek, ebi ene me ukot keyi mêjit si ọmọ itele.
26“Ike îkupbe me ukot kè Nuwa, ikeya si ke ìbokup mgbọ Gwun̄ Ebilene môgwube ikom inu. 27Me ukot kè Nuwa,#17:27 Ibeb 7:5-9 ebi ene kpekeek inu geege, ekpọkpọ ikiluk ugwem kiban̄ ifo isi, mè ikirie, mè ikinwọ, mè ikido nwa, mè ikisa bọn kiban̄ iche olom mege inire usen Nuwa onin̄be uji ọfọ ya. Mun̄ ile onunu, mè ikpan̄ otutuuk ife cha isan̄a kpai.
28“Ubọk yaage si ke îkup me ukot kè Lọt.#17:28 Ibeb 19:1-29 Me mgbọ ya si, ebi ene me ama Sodọm ekpọkpọ ikiluk ugwem kiban̄ ifo isi, mè ikirie, mè ikinwọ, mè ikilep inu, mè ikinyam ewe, mè ikiwop mfut me uko, mè ikinama uwu. 29Ire, usen yaage Lọt onan̄abe isibi itele ama ya, ukan̄ biridọni onanan̄a me isinyọn̄ irep igwook me ama ya, mè ikpan̄ otutuuk ebi ama ya isan̄a kpai.
30“Ikeyi si ke ìbokup me usen Gwun̄ Ebilene môyakabe ikpọk inu. 31Me usen ya, ogwu ikup me inyọn̄ otoon̄-uwu, ikasibi ijọn̄ ìsi ìnin̄ uwu ìkpulu inu îkaan̄be. Ikeya si, ogwu ikup me uko ikisi ikwaan̄, ikagwu ìkom ìfo uwu ìsi ìkpulu inu îkaan̄be. 32Ìkeek inu òrọrọ nwa kè Lọt, mije îyakabe chieen̄ ikpọ udun̄ mgbọ ya. 33Ene geelek òweweek inyanyan̄a ugwem kan̄ me linyọn̄ keyi môfiin̄ ugwem ya. Ene geelek òchechieek ififiin̄ ugwem kan̄ me linyọn̄ keyi, ene ya môkaan̄ ugwem kan̄. 34Me atikọ, ǹkitumu inyi enyi ibe, me eririeen̄ usen Gwun̄ Ebilene mônube, ene iba mêgbaan̄ ilaak me inyọn̄ mkpilaak ge, mêmọmọnọ ene ge, mè itele ogwu melek kan̄. 35Me usen ya, ebibaan̄ iba mêkigbaan̄ ikọk akpa, mêmọmọnọ ene ge, mè itele ogwu melek kan̄. [ 36Ebirieen̄ iba mêkigbaan̄ isi ikwaan̄ me uko, mêmọmọnọ ene ge, mè itele ogwu melek kan̄.]”
37Ebi udun̄ kan̄ enenido ọmọ ibe ìre ere owa ke inu yi oborọ?
Jisọs ofọfọọk ema ibe, “Ere geelek nkwukwu inu okupbe, ere keya ke edene obotitiin̄.”
Currently Selected:
Luk 17: ANNa
Highlight
Share
Copy
Want to have your highlights saved across all your devices? Sign up or sign in
© The Nigeria Bible Translation Trust, 2013
