Popular Bible Verses from Ibeb 17

Share

Mgbọ Eberam osobe akọp acha onaan̄ge mè onaan̄ge, Okumugwem onenichichini ọmọ, mè itumu inyi ibe, “Emi nre Awaji Ogwu Òkaan̄ Unye Geelek. Je me oniin̄ n̄a, mè luk ugwem ikakaan̄ge nrọ-nlọ geege me emen.

Kpebeyaka ikigwen owu Eberam, Erieen̄ kwun̄ ìboyaka inire Ebereyam, mije emi nra irọ owu ute inyi ogbogbo ido.

Mârọ inyi inyan̄a-ibot n̄a nnyan̄abe melek kwun̄ mè bọn kwun̄ ikup ire mgbọ geelek. Emi mâre Awaji inyi owu, mè ire si Awaji inyi bọn kwun̄ mè bọn bọn kwun̄.

“Eyi n̄a, inyan̄a-ibot n̄a melek kwun̄ ìre ikeyi: Owu môre ute inyi owuwa ido.

Awaji ofọfọọk Ebereyam ibe, “Ire, Sera nwa kwun̄ môman gwun̄ enerieen̄ ge inyi owu. Owu môgwen gwun̄ ya Ajiki. Mârọ inyan̄a-ibot n̄a iso melek kè Ajiki mè bọn owot iman kan̄ ire ukot geelek.

Ijọn̄ ebi Kenan yi ere owu okigọọk igbaan̄ iluk kubọk ogwu ichen, m̀basasa inyi owu mè bọn owot iman kwun̄, kubọk ìrot òbokup ire ukot geelek. Emi mâre Awaji inyi bọn owot iman kwun̄.”

Ebereyam inọnọ ikọ yi, ikakana isi ichit me ijọn̄, mè ichak, mè itumu me emen ejit kan̄ ibe, “Ìre enerieen̄ òsoso efit acha môyaka ikọt ibon gwun̄? Sà ìre Sera ogwu òsoso akọp acha onaan̄ge môyaka ikọt iman gwun̄ ni?”

Awaji onenitumu inyi Ebereyam ibe, “Serayi nwa kwun̄, owu òkpoyaka ikigwen ọmọ Serayi. Erieen̄ kan̄ ìboyaka inire Sera.

Enyi otutuuk ebirieen̄ mêfieek afi. Eya obore inu ijejeen̄ eyi inyan̄a-ibot òkup inyi emi melek kinyi.

Ire, îre me lek kè Ajiki ogwu Sera oboman inyi owu me ike mgbọ keyi me acha òkinu, ke mbarọ inyan̄a-ibot n̄a iso.”

Bene me mgbọ keyi re ukot geelek, gwun̄ enerieen̄ geelek emanbe, mêfieek afi me òso usen jeeta. Bene me lek ebi owot iman kwun̄ re lek ebi ofifi ife geelek owu osabe ikpoko ilep, òrere ebi kpenan̄a me owot iman kwun̄. Eya orọ, bọn owot iman kwun̄, mè otutuuk ebi osabe ikpoko ilep, kalọlọ ifefieek ema afi. Inyan̄a-ibot eyi ifefieek afi eyi emi nnyan̄abe melek kinyi ìre inu òbokup isi ire ukot geelek.