Popular Bible Verses from LUKAS 1

Share

Belanna denraka tang dadi ke Napokadami Puang Matua?

Nakuami Maria: Tonganna tongan aku tu taunNa Puang Matua, podo nadadi lako kaleku susitu kadammi. Ta’kala nasoro’mo dio mai tingayona tu malaeka’.

Mebalimi tu malaeka’ lako nakua: Iamotu Penaa Masallo’ la songlo’ lako kalemu sia kamatotoranNa Puang Patodoranna unnonganniko, iamoto dadi iatu Pia la mudadian la disangai Pia masallo’ sia AnakNa Puang Matua.

Maupa’mo ia tu baine umpatonganni te iannate, belanna iatu dipokadanni lu dio mai Puang Matua, manassa la dipasundun.

Manassa la ma’tambukko mudadian misa’ pia muane, la musangai Yesu. Iamo la kapuanna sia la digente’ Anak Puang Patodoranna sia la Nasorong Puang Kapenombanta lako Kalena tu isungan kapayunganna Daud nene’Na. Iamo la undatui rapunna Yakub tontong sae lakona na iatu kadatuanNa tae’ upu’na.

Nakuami tu malaeka’ lako: Da’ mumataku’, e Maria, belanna mulambi’mo tu kamamasean dio mai Puang Matua.