Popular Bible Verses from Дуулал 119

Share

Таны үг миний хөл дэх дэнлүү, Миний зам дахь гэрэл.

Таны эсрэг нүгэл хийхгүйн тулд Үгийг тань зүрхэндээ би хадгалав.

Залуу хүн зам мөрөө Хэрхэн цэврээр хадгалах вэ? Таны үгийн дагуу сахиснаар билээ.

Түүний гэрчлэлүүдийг сахин Түүнийг бүхий л зүрхээрээ хайгсад Юутай ерөөлтэй вэ!

Та миний хоргодох газар ба миний бамбай Би Таны үгэнд найдан хүлээдэг.

Хуулийг тань мөрдөж, Бүхий л зүрхээр сахин биелүүлэхийн тулд Ухаарал юугаа наддаа хайрлаач!

Зүрхийг минь олз уруу бус, Гэрчлэлдээ хандуулаач!

Миний зовон шаналсан нь, Таны зарлигуудыг сурах болсон нь надад тустай.

Таны үг намайг сэргээсэн нь Миний зовлон зүдүүрийн дундах тайвшрал минь юм.

Тушаалуудынхаа жимээр намайг алхуулаач! Түүнд би баярладаг билээ л.

Аяа ЭЗЭН, зарлигуудынхаа ёс журмыг надад заагаач! Эцэс хүртэл түүнийг мөрдье

Гашуудлаас болж сэтгэл минь уйлна. Үгийнхээ дагуу намайг хүчжүүлээч!

Хуулийг тань би юутай их хайрладаг билээ! Тэр нь бүхий л өдөржингөө миний бясалгал байдаг.