Popular Bible Verses from Okuva 5

Share

Oluvannyuma lw’ebyo, Musa ne Alooni ne bajja eri Falaawo, ne bamugamba nti, “Tutumiddwa MUKAMA Katonda wa Isirayiri ng’akugamba nti, ‘Leka abantu bange bagende, bankolere embaga mu ddungu.’ ”

Kubanga kasookedde ŋŋenda ne njogera ne Falaawo mu linnya lyo, abantu bo abataddeko ebizibu bingi; era abantu bo tobawonyezza n’akatono.”

Awo Musa n’akomawo awali MUKAMA, n’ayogera nti, “Ayi MUKAMA, abantu bano lwaki obaleetedde emitawaana? Eyo y’ensonga kyewava ontuma?

Naye Falaawo n’abaddamu nti, “MUKAMA ye ani, mmugondere, nzikirize Abayisirayiri, sijja kubakkiriza kugenda.”

Naye mubalagire babumbenga obungi bw’amatoffaali bwe bumu nga ge babadde babumba; temukendeezanga ku muwendo ogwabasalirwa. Bagayaavu; era kyebava bankaabirira nti, ‘Tuleke tugende tuweeyo ssaddaaka eri Katonda waffe.’ Abasajja mubongereko ku mirimu gye mubasalira, bakole nnyo, balyoke baleme na kufa ku ebyo bye babalimbalimba.”