Popular Bible Verses from Jean 15

Share

Min ye n ti raisin'n i bô nion, an ti i sama. Swran ng'o nin min a yô swran wunmuan bo é tran titi'n, o ti ke waka sama b'o su kpanngban sa, afin se n nu'an nun'n, an kwla yô'a liké fi.

Ke min nin amun ya yô swran wunmuan'n, man é tran so tititi. Waka sama'n i ngunmin kwla suman, san oh teh i bô'n su, i kunngba'n, amun kusu se amun nin min a yô'a kun'n, an su yô'a liké fi yé.

Se amun nin min yô swran wunmuan bo é tran titi'n, bo an fa min nde'n su'n, liké nga an klôé'n, anh sé Nyanmien, oh fah man amun.

Nanh amun ye an faa mion, sannge min ye n faa amuon. N faa amun ke an wo, an kô yô ke waka sama b'o su'n sa, ye mma nga an sui so'n oh kah le titi, nan liké kwlaa nga an fa n dunman sre é Si'n, o man amun.

Swran klôle ng'o ti dan tre i ngba'n, yele swran bo i dyanvue'n ti, o fe i wun man'n.

N sama kwlaa ng'o suman'n, o kpe, ye ng'o su'n, o kpekpe su nan o yô kpa ye o su tra laa lie'n.

Nde nga nh kanh klé amun'n ye, anh klô amun wiéngu ke n fa klô amun'n sa.

Se an yô ke waka sama b'o su kpanngban sa'n, b'o man bé wun ke an ti n sonnzonfue'n, i so'n nun ye n Si'n nyanh komion.

Min ye n ti raisin'n (*f12*) i bô kpa nion, ye n Si ti i tafue.

Swran ng'o nin min a yô kun'n se o nin min a tra'an so titi'n, o ti ke waka sama b'o temen i bô'n su'n sa, bé kpe yi. O wu, bé isa gue sin nun, o yra.

N ken i so kléé amun nan amun klun dyo ke n lie'n sa, ye amun klun dyo lélélé…

Se an fa min nde'n su'n, amunh sih ke n klô amun tititi. Ke n fa n Si nde'n su soo, o man n si ke o klô min tititi.

Nde nga nh kanh klé amun'n yele ke anh klô amun wiéngu.

Se an ti men nga nunfue wié'n, wuun bé klô amun yele ke an ti béfue. Sannge n faa amun, n yi amun men nunfue'm bé nun, i ti ye man bé kpo amuon.