Popular Bible Verses from Jean 16

Share

N ken i kwlaa so'n kléé amun nan amun wun dyo amun fouun swran wunmuan bo min nin amun ya katyi'n ti. Amun wa wun amun nyin su kpa, sannge anh tra amun awlen, men nga nun wa'n min ye n kwlaa.

Ke Nyanmien Wawe'n b'o ti Nanwlefue'n kô ba'n, oh kléh amun sa kwlaa ng'o ti nanwle'n, afin nde nga oh kanh'n, o su kpe'e i ti nun ye oh kaanh, sannge nde kwlaa ng'o tili'n ye oh kaanh, ye oh bôh sa nga bé wa ba'n su klé amun.

Lélé nde, an nian sre'a liké fi n dunman nun. Anh sre, amunh nyenh ye amun klun'n dyoh lélélé

Sannge i nanwle ye n di klé amuon, se n ko'n, o ti kpa, afin se man oman'n, Swran ng'o wa uka amun'n o su baman, sannge se n ko'n, m man oh bah. Se o ba'n, oh fah sa te'n, nin sa kpa'n, nin dyole dile'n klé men nunfue'm bé wéiin.

Amun kusu, awlabôe'n wô amun su ke é sé ye'n, sannge ke mh bah wun amun wun ékun'n, amun klun dyoh, ye swran fi su kwla bô'a amun wla. Tyen so'n nun, an su usa'a n sa sa wié su kun. Nanwle, liké kwlaa nga an sre n Si n dunman nun'n, oh fah man amun.

Nanwle, amunh bôh auyé, amunh sunh, sannge men nunfue'm bé klun dyoh, amun wla'n bôh, sannge awlabôe so'n oh katyih aklundyue.