Popular Bible Verses from Lizsij dih Gaihcij 15

Share

Yaqbwzlanz dingq daengz doenghgij vah neix le, couh sinq Yehhozvaz lo, yiengq Yehhozvaz couh yawj Yaqbwzlanz suenq boux hab'eiq habhoz de dih vunz hih lo.

Goq gienh saeh neix le, Yaqbwzlanz lujnaeuz fangxngwnz yienghmwnq dingqri Yehhozvaz doiq de naeuz: “Yaqbwzlanz, mwngz gaejyungh lau; gou dangq baj doenqbaiz mwngz, dangj youq dangqnaj mwngz ndaej baujhuq mwngz, caemh ij nyok hawj mwngz haujlai haujlai hwj.”

Yehhozvaz gangj daengz mwnqneix le, couh daiq Yaqbwzlanz ok rog bae, doiq de naeuz: “Hawjm'z muenghmuengh yawj gwnzmbwn lux, gij ndaundeiq gwnzmbwn bijhuzcih bae; mwngz geq ndaej liux haz?” De vanzlij naeuz: “Doengh daih gajlaeng mwngz baezneix caemh ij luj gij ndaundeiq gwnzmbwn yienghmwnq bijhuzcih bae, geq cungj geq mbouj rox liux.”

Gajlaeng Yehhozvaz caiq doiq de naeuz: “Mij dwg law, boux mwnq mbouj ndaej ciep aeu gij gyadangq mwngz nej; ij dwg daeglwg mwngz caenseng he cij ndaej ciep aeu gij gyadangq mwngz lah.”

Couh youq mwhneix, Yehhozvaz couh doiq Yaqbwzlanz naeuz: “Mwngz ijaeu rox, doengh daih gajlaeng mwngz ij ngaiz doz youq vaihdieg youq, caemh ij ngaiz guh hoiq gij vunz dieg mwnq, caemh ngaiz gij vunz dieg mwnq yawj mbouj hwnj, souh haemz souh hoj baenx seiqbak bi.

Hoeng Yaqbwzlanz han naeuz: “Ceiq miz gienz dih Yehhozvaz hax! Gou daiq lwg cungj mbouj miz haem; mwngz ij nyok hawj gou guxmaz nex? Baezneix gij gyadangq gou cungj dwg ngaiz boux youq ndaw ranz gou Hijliqhijseq, vunz Daqmajswqgwz Singz, ciep aeu he lah.”

Couh youq mwhneix, Yehhozvaz youq mwnq doiq Yaqbwzlanz baujcingq naeuz: “Gou dawz mwnq dieg neix nyok hawj doengh daih gajlaeng mwngz, couh dwg dajlwh diuz dah Ngaihgiz itcig daengz diuz dah Youqfazlahdij

Doenghgij lwglwg lanlan mwngz, daengz daixseiq daih, couh dwg naeuz goq seiqbak bi le, cij ndaej dauq ma daengz dieg neix, aenvih daengz mwhmwnq, dieg neix dih Yaqmohliq vunz, gyoengqde guh hih doenghgij doegdoeg siebsieb he cij muenxbouh, gou cij fad gyoengqde.”