Popular Bible Verses from Lizsij dih Gaihcij 18

Share

Nanzdauh faenhsou mbouj rox, gou, Yehhozvaz, nwj miz naeuz miz gij saeh gou guh mbouj daengz he haj? Daengz bimoq hih mwhneix, gou bietdingh daeuj dineix; daengz mwhmwnq, Sajlah baenzbaenz cungj seng miz daeglwg he.”

Yiengq de dingqri boux mwnq gangj gij vah neix le, couh caegcaeg riungoemx hwj gag naeuz: “Gou caeuq goeng gou cungj caet laux bat nyangq liux lo, hoeng cungj lij miz cungj saeh ndei neix hwj haz?”

aenvih gou ij hawj Yaqbwzlahhanj hih doengh daih gajlaeng de bienqbaenz aen minzcuz youh hung youh giengz he; gou caemh sawjhawj lajmbwn aen'aen minzcuz cungj dwg dajlaeng de ndaej miz fuk.

Yiengq, Yaqbwzlahhanj couh byaij bae dep de cam naeuz: “Bouxcawj gou hax! Mwngz cingqcaen mboujguenj vunz ndei haj cixnaeuz vunz rwix cungj ij cawz gyoengqde bae haz? Yiengq, hauhnaeuz ndaw singz mwnq miz hajcib boux vunz ndei nex, mwngz cungj ij cawz aen singz mwnq sojmiz hih vunz bae haz? Mwngz mbouj vih ndaw singz mwnq miz hajcib boux vunz ndei hwj nyiuz ndaw singz mwnq sojmiz hih vunz, mbouj cawz aen singz mwnq haj?

Gajlaeng, Yehhozvaz han naeuz: “Hauhnaeuz gou youq ndaw aen Sojdohmaj Singz raen miz hajcib boux vunz ndei nex, gou couh vih gyoengqde hwj nyiuz ndaw singz mwnq sojmiz hih vunz mbouj gaj.”