Popular Bible Verses from Yozhanq Saw 16

Share

Gou naeuz sou ni doenghgij neix dwg ij hawj faenhsou dunghgoq gou hwj ndaej bingzan. Cijmboujgoq faenhsou youq lajmbwn ij ngaiz miz nanh, hoeng, faenhsou gaejyungh you, aenvih gou gaenq ak goq aen seiqgyaiq neix lo.”

Daengj daengz miz saedsaeh dih Hoenzsaenz daeuj, de gaengjdingq daiq faenhsou, hawj faenhsou rox sojmiz hih saedsaeh. De caemh ij gangj naeuz faenhsou ni baezneix ij fatseng hih. De soj gangj hih mbouj dwg ciuq gij cawjeiq bonjfaenh de ma gangj law, dauq dwg gangj gij saeh bonjfaenh de daj Cangqdiq mwnq soj dingqri hih lah.

Faenhsou coengzlaiz cungj mij hij gij coh gou ma gouz goq gijmaz, hoeng, cijaeu faenhsou seizneix gouz, couh gaengjdingq ndaej; yienghneix couh ndaej hawj faenhsou angq raixcaix.”

Gizsaed gou saedsaeh naeuz sou ni lo, gou bae dwg doiq faenhsou miz ik hih; hauhnaeuz gou mbouj bae, boux ndaej bang faenhsou mwnq, couh dwg boux miz saedsaeh dih Hoenzsaenz mwnq, couh mbouj daeuj faenhsou dineix lo. Gou bae couh ij baij de daeuj. De daeuj mwhde, couh dwg ij hawj vunz rox bonjfaenh gyoengqde doiq coih hah, doiq hab'eiq habhoz Cangqdiq hah, doiq Cangqdiq dih saemjbuenq vunz hah cungj yawj loek lo.

Caemh doxdoengz, faenhsou seizneix gannaeuz miz youheiq lah, hoeng, daengj daengz gou dauqlix caiq ndaej raen faenhsou hih mwhde, faenhsou couh angq vaujvauq lo; mbouj danhcij yienghneix, faenhsou sim'angq hih mij vunz ndaej dued aeu bae. “Gou saedsaeh naeuz sou ni, daengz ngoenz mwnq, faenhsou gijmaz cungj mboujyungh cam gou; mboujguenj faenhsou hij gij coh gou ma gouz daxboh gijmaz, de gaengjdingq nyok hawj faenhsou gijmaz.

Gou saedsaeh naeuz sou ni, faenhsou ij daej ngwdngwd, gij vunz dauq riuriu angqangq. Faenhsou ij you ij heiq, hoeng faenhsou dih youheiq couh ij bienqbaenz angq vaujvauq lo.