Popular Bible Verses from Yozhanq Saw 17

Share

Gou gouz mwngz yungh gij saedsaeh mwngz ma hawj gyoengqde bienqbaenz boux dwzbez he, hab'eiq habhoz mwngz he; gij vah mwngz couh dwg saedsaeh.

Gij seiqseiz lix neix couh dwg ndaej rox mwngz—caenhgag mwngz cij dwg caen hih cwnz he—caeuq rox gou, Yehsuh Gihduz, mwngz baij daeuj hih.

“Gou mbouj danhcij bang gyoengqde gouz, caemh bang doenghgij vunz dingq gyoengqde cenzgangj he hwj sinq gou he gouz, hawj gyoengqde duenzgyez gaep guh buek vunz he, caemh luj mwngz caeuq gou, gou caeuq mwngz yienghmwnq caemh buek vunz he, hawj aen seiqgyaiq neix hih vunz sinq gou dwg mwngz baij daeuj he.

Gou mbouj gouz mwngz mbouj hawj gyoengqde bae dep aen seiqgyaiq neix hih vunz, caenhgag gouz mwngz baujhuq gyoengqde, hawj gyoengqde ndaej duet ok Sajdanq boux doegdoeg siebsieb neix ndaej lo.

Mwngz hawj gou najrongh; gou caemh hawj gyoengqde najrongh, hawj gyoengqde duenzgyez gaep guh buek vunz he, caemh luj raeuz yienghmwnq gaep guh buek vunz he. Gou caeuq gyoengqde youq, mwngz caeuq gou youq; yienghneix gyoengqde couh ndaej duenzgyez gaep haeuj buek vunz he doxhuz raixcaix, hawj aen seiqgyaiq neix hih vunz rox dwg mwngz baij gou daeuj he, caemh rox mwngz aiq gyoengqde he, caemh luj mwngz aiq gou yienghmwnq.