Niman kemaj Pedro okijlij:
—Ananías, ¿tline* otikauilij Satanás okalak ipan moyojlo niman omitschiualtij para tikajkayauasnekiya on Espíritu Santo? ¿Tline tej, seki otikixpachoj on tomin yejuan ika omitstlaxtlauilijkej on motlal? Ijkuak xe tiknamakaya, ¿xmoyaxka* katka on tlajli? Niman ijkuak otiknamakak, ¿xmoyaxka* katka on tomin? ¿Tline tej, ijkon otiknemilij tikchiuas? Xotitechkajkayau tejuamej, yej otikajkayau Dios.
Ijkuak Ananías ijkin okak, ouetstiaj niman omik. Niman nochimej yejuan okimatkej on tlen onochiu sanoyej* onomojtijkej.