Popular Bible Verses from San Mateo 27

Share

Niman sano ipan on hora, Jesús chikauak otsajtsik: —Elí, Elí, ¿lama sabactani? —yejuan kijtosneki: noDios, noDios, ¿tline tinechtlalkauiya?

Kemaj nimantsin on yekcortina yejuan pilkaya ijtik on ueyitiopan ouajtlajkotsayan* de tlakpak hasta tlatsintlan. No otlalolin niman on temej otlajtlapankej. On tlalkontin otlapojkej, niman miyekej on mikatsitsimej yejuan yolchipajkej katkaj itech Dios oyolijkej*.

Kemaj Jesús oksejpa otsajtsik chikauak, niman kemaj omik.

Ijkuak on soldadojtlayekanki inuan isoldados yejuan ompa cuidarouayaj Jesús, okimatkej tlalolintikaj niman okitakej okseki tlajtlamach* nochijtikaj, sanoyej onomojtijkej, niman okijtojkej: —In tlakatl melauak iKoneu katka Dios.

Kemaj ijkuak oajsik tlakualispan, otlayouatiak nochiuiyan, niman tlayouatok katka hasta ijki oajsik ipan yeyi hora ika tiotlak.

Pilato okintlajtoltij: —¿Niman tlinon nikchiuas iuan Jesús, yejuan no itoka Cristo? Nochimej okijtojkej: —¡Xkajkopilo ipan kojnepanojli* para ma miki! Kemaj Pilato okinmijlij: —¿Tlinon tej, xkuajli okichiu? Pero yejuamej más chikauak oksejpa otsajtsikej: —¡Xajkopilo para ma miki!