Popular Bible Verses from San Mateo 21

Share

Nochi yej ankitajtanili̱skej Dios kua̱ꞌ nemi an‑ora̱dowaj, siga ankimelaꞌcre̱do̱skej, mitzmakaskej.

Iwá̱n Jesús kijtoj: —Nej nimitzijliáj siga amejwa̱n anmomelaꞌconfia̱rowaj pan Dios ayejsan ijkí̱n wel ankichi̱waskej ken nikchi̱wilij iní̱n higue̱rajkuawiꞌ, amejwa̱n no̱ wel ankijli̱skej iní̱n tepe̱ꞌ: “Xicholo ompa ka̱n tonoꞌ, iwá̱n xaj láma̱rko”, iwá̱n ijkó̱n mochi̱was.

Yej tapano̱tia̱yaj iwá̱n yej ya̱yaj tatzi̱mpan tzajtzitia̱yaj, ijkí̱n tzajtzikej: —¡Mamoweyimati̱lti iPiltzi̱n rey David! ¡Mamoweyimati̱lti yej kiti̱tani toTe̱ko Dios! ¡Mamoweyimati̱lti Dios yej onoꞌ ipan cielo!

Iwá̱n Jesús kijtoj: —Ijkí̱n ijkuilijtoꞌ itájto̱l toTe̱ko: “Nókal yawi moto̱ka̱wi̱ti kajli ka̱n ora̱do̱lo”; eꞌ amejwa̱n ankikueptokej ka̱n mi̱ya̱naj yej tachtekij.

Xikijli̱ka̱n yej cha̱ntitokej Jerusalén: “Xikitaka̱n, amorre̱y wi̱ꞌ iga amejamej, ayá̱ꞌ moweyimati, tejkatiwi̱ꞌ ipan se̱ burro, yej aya i̱ꞌ moxi̱lajtiá.”

Iwá̱n Jesús kijtoj: —In amejwa̱n, ¿ix ayí̱ꞌ ankilee̱rowaj ka̱n ijkí̱n ijkuilijtoꞌ? Quijtowa: Teꞌti yej kitajkalkej yej kalchi̱waj, inó̱n teꞌti iná̱n yej achto mota̱lij. Iní̱n kichij toTe̱ko iwá̱n pox mo̱nsaj tikitaj.

Amejwa̱n ankijtowaj iga amonoskej ka̱n Dios reina̱rowa, eꞌ nimitzijliáj iga ayá̱ꞌ ankalakiskej, seꞌwaꞌ in yej yawi kalakiti, yej kichi̱wa ken Dios kineki.