Popular Bible Verses from San Juan 14

Share

’Jaꞌan tsinthua ngajin ra thi chrjuin tunuꞌe ansean ra. Aro jeꞌa inchin chrjuin tunuꞌe anseen chujni nchexruxiꞌin thi jianꞌa jii ngataꞌa nunthe jiꞌi. Mexinxin taꞌa ra juachjaon ko xraonꞌa ra.

Jesús ndachro: —Jaꞌan thi nthiꞌá na, ko thi ndua, ko thi nchegechon ni ko xruꞌin kensen nchao tsii ngain Ndudana ja̱ jeꞌa ixin jaꞌan.

Tsjeꞌa nchaꞌon batho ko Jesús ndachro ngain chujni bakao: —Taꞌa ra juachjaon ko chunthia ra Ndo Dio ko kai chunthia ni ra jaꞌan.

Aro Espíritu Santo, thi ruruaꞌan Ndudana kunixin juachaxinna, mee thi tsjengijna ra, ko tsjaguꞌa ra kain thi ndua ko sinthaxraxaon ra kain thi jaꞌan ndathjo ra.

Thi chujni chunxin ko dithikaon thi jaꞌan thetuꞌan, chujni mee thi thjueꞌna, ko thi thjueꞌna kai Ndudana ruthjueꞌe ndo, ko kai jaꞌan ruthjuaa ko ruxraago na ngain chujni mee.

Ko jaꞌan sinthatsaan ñao Ndudana ixin ruruaꞌan ra ndo inaa thi tsjengijna ra ko seꞌe kainxin nchaꞌon ngajin ra. Ko mee Espíritu Santo, thi tjaago thi ndua, ko chujni dithikaonꞌa ngajin chroꞌa sayée na̱ Espíritu jiꞌi ixin dikonꞌa na̱ ko chunxinꞌa na̱. Aro jaꞌa ra, jaan chunxin ra jeꞌe ixin jii ngajin ra ko kainxin nchaꞌon seꞌe ngajin ra.

Ko kain thi sanchieꞌe ra Ndudana kunixin juachaxinna, jaꞌan ruchjaꞌa ra ixin Ndudana tsusayeꞌe ndo ixin thi jaꞌan nthaꞌa. Ja̱ chrujan sanchia ra kunixin juachaxinna, jaꞌan sinthaꞌa.

’Ja̱ thjueꞌna ni ra, dithikaon ra thi jaꞌan rithetuꞌan.

Ko ngain nchianduꞌa Ndudana anto tsjé thi sinthe ra jii, ja̱ jeꞌa jañaa rukji, jaꞌan urundathjo ra. Mexinxin jaꞌan tsji sinthachjian thi sinthe ra.

Ko are utsjexin sinthachjian, rukjan na siꞌi inaa ko satsji ra ngajin ixin thi jaꞌan sariꞌi, kai jaꞌa ra sinthe ra.

Ko Tomás ndachro: —Nchana ná, nunaꞌa ná thinoo sekji, ¿kexreen uchunxinxin ná nthiꞌá?