Popular Bible Verses from San Juan 15

Share

’Jaꞌan ntha uva na ko jaꞌa ra chaan ntha, ko thi chujni deꞌe ngajin na ko jaꞌan ngain jeꞌe, jeꞌe dajon tsjé thuchjuin, aro ja̱ sachrjendana ni ra xruꞌin sincheꞌe ra.

Ko dinthe ra ngajin na ko jaꞌan sariꞌi ngajin ra. Jañaa inchin naa chaan ntha uva chroꞌa sajon thuchjuin, ja̱ jitsexinꞌa nganito ntha jieto, jañaa jaꞌa ra kaxon chroꞌa sincheꞌe ra thi jian, ja̱ sintheꞌa ra ngajin.

’Ko ja̱ sinthe ra ngajin ko thi ndathjo ra seꞌe ngain ansean ra, nchao danchia ra kain thi sinao ra ko sayéꞌe ra.

Jaꞌa ra kuinchienaꞌa ni ra, jaꞌan thi kuinchiaꞌa ra jaꞌa ra ko kuetuꞌan ra thji ra ko ncheꞌe ra xraa chaan ntha uva dajon tsjé thuchjuin, ko thuchjuin mee see tsunchrjeꞌen tho. Ko jañaa kain thi sanchieꞌe ra Ndudana kunixin juachaxinna, jeꞌe ndo ruchjaa ra ndo.

Ko thi anto thjueꞌe choo ni, mee xraago are xrajon ni seꞌen ni ixin thi jian xrakao ni.

Ko kain chaan ntha uva dajonꞌa thuchjuin, Ndudana tsunchrijin ntha, ko kain chaan ntha dajon thuchjuin Ndudana sincherua ntha ixin sajon ntha icha thuchjuin.

Ko jiꞌi thi thetuꞌan jaꞌan, ixin ruthjueꞌe choo ra, inchin jaꞌan thjuaꞌa ra.

Ko Ndudana tusayeꞌe ndo are jaꞌa ra dajon ra tsjé thuchjuin, ko tjaago ra jian ixin ndua jaꞌa ra ruena ni ra.

’Jaꞌan thi ndua ntha uva, ko Ndudana thi ncheꞌe xra ngain ntha.

Ko thi deꞌa ngajin na, jeꞌe xraa chaan ntha xruꞌin xree ke ndadanka na̱ ko dixema, ko thjejo na̱ ko tja na̱ ngathe xruꞌi ixin che ntha.

’Jaꞌan ndathjo ra kain jiꞌi ixin ruchaꞌa ra inchin chaꞌna jaꞌan, ko ruxethjaxin thi ruchaꞌa ra.

Ja̱ dithikaon ra thi jaꞌan thetuꞌan ra, yaa ruchro ixin jaꞌa ra thinthueꞌa ra thi jaꞌan thjuaꞌa ra, jañaa inchin jaꞌan dithikaꞌon thi thetunna Ndudana ko jeꞌe ndo thjue na ndo.

Ko jiꞌi thi jaꞌan thetuꞌan ra: Thjueꞌe choo ra.

Ko ja̱ rukji ra chujni dithikaonꞌa ngajin na, chujni jañaa ncheꞌe ruthjuaꞌa ra na̱ inchin thjueꞌe na̱ chujnii na̱, aro jaꞌa ra ijeꞌa chujni yaa, ixin jaꞌan kuinchiaꞌa ra ixin sithikaon ra, mexinxin chujni dithikaonꞌa ningakuꞌan ra na̱.