Popular Bible Verses from San Juan 6

Share

Ko Jesús ndachro ngain na̱: —Jaꞌan thi niuthja nchegechon chujni. Thi chujni tsii ngajin xruꞌin nchaꞌon seꞌen na̱ jintha, ko thi sithikaon na jaꞌan xruꞌin nchaꞌon seꞌen jinda.

Espíritu thi nchegechon ni, ko nthao xruꞌin renthe nthao. Ko thi jaꞌan ndathjo ra, mee Espíritu ko mee thi nchegechon ni.

Ko ncheꞌe ra xra, aro jeꞌa ixin thi jine ni ixin yaa ndathjexin, ncheꞌe ra xra ixin thi nchekjan ni inaa chujni narua ko xruꞌin nchaꞌon tsjexin. Ko jaꞌan thi Xii juixin ngajni, ruchjaꞌa ra jeꞌe mee ixin Ndo Dio Ndudana chjana ndo juachaxin mee.

Ixin Ndudana rinao ndo ixin kain chujni satsuan na na̱ jaꞌan, thi Xeꞌen ndo, ko sithikaon na̱ ngajin, rukjan na̱ inaa chujni narua ko xruꞌin nchaꞌon tsjexin, ko jaꞌan sinthaxechon na̱ ngain thi nchaꞌon are ndatsjexin nunthe.

Ko Jesús ndachro: —Ndo Dio rinao ndo ixin jaꞌa ra dithikaon ni ra jaꞌan, thi jeꞌe ndo ruaꞌan ndo.

Kainxin chujni chjana Ndudana, tsii na̱ ngajin, ko kain chujni thii ngajin, jaꞌan sayaa na̱.

Aro Simón Pedro ndachro: —Nchana, ¿ngain kensen tsji ná? Jeꞌo thi Suixin nichja nchekjan ni inaa chujni narua ko xruꞌin nchaꞌon tsjexin.

Jaꞌan thi niuthja jichon juixin ngajni. Thi chujni sine niuthja jiꞌi, chujni mee sechon kainxin nchaꞌon, ko thi niuthja jaꞌan sajon, mee nthauꞌna, ko jaꞌan sajon nthauꞌna ixin kainxin chujni rukjan na̱ inaa chujni narua thi xruꞌin nchaꞌon tsjexin.

Xruꞌin chujni nchao tsii ngajin, ja̱ jeꞌa Ndudana thi tsiaꞌo na na̱, ko jaꞌan sinthaxechon chujni mee ngain thi nchaꞌon are ndatsjexin nunthe.

Ko niuthja dajon Ndo Dio, mee thi juixin ngajni ko jeꞌe nchekjan chujni inaa chujni narua.

Jaꞌan thi niuthja nchegechon chujni.

Kuthimejan Jesús kuaa thi naꞌo niuthja ko kuexruxiꞌin Ndo Dio, kuthimejan bajon niuthja ngain chujni bakao, ko jeꞌe na̱ kunchjeeya na̱ niuthja ngain chujni binthe nthi̱ꞌa̱. Ko xrajeꞌo bincheꞌe Jesús ngain kuchee ko kain na̱ juine na̱ ba ko jian kujeꞌe na̱. Ko are ujuexin kujeꞌe na̱, Jesús ndachro ngain chujni bakao: —Datse ra kain thi xeꞌe ixin singukuaꞌa.

Ko are usakjui na̱ inchin naꞌo o inkjaon kilómetro ngatauꞌen jinda, jeꞌe na̱ bikon na̱ Jesús jitunchieꞌen ngain ntha barko ko jithixin ruthee ngatauꞌen nda, ko kain na̱ binthexraon na̱. Aro jeꞌe ndachro ngain na̱: —¡Jaꞌan juiꞌi, xraonꞌa ra!