Popular Bible Verses from San Lucas 8

Share

Aro thi trigo binthji ngain jinche jian, mee thi chujni jian ngain anseen, ko anto rinao na̱ thiꞌin na̱ ko ncheꞌe na̱ thi thetuꞌan Ndo Dio. Ko jamee dithikaon na̱ kainxin nchaꞌon, ko kain thi ncheꞌe na̱ nchexruxiꞌin Ndo Dio.

Ko trigo binthji ngagaꞌa kanchaꞌa, mee chujni thiꞌin juajnee Ndo Dio, aro dithikaonꞌa na̱ juajna. Ko jeꞌo ta na̱ juachjaon ixin ruchunda na̱ icha tumi ko jiꞌi thi tanchrjandaꞌa na̱ dithikaon na̱ juajnee ndo.

Ko trigo binthji ngataꞌa thjao, mee thi chujni thiꞌin juajnee Ndo Dio ko anto chee na̱ are dayee na̱ juajna, aro xra thinxinꞌa na̱ jian ko are thii thi tangi tatjañeꞌe na̱ thi jian juajnee ndo.

Ko Jesús ndachro ngain chujni bakao: —¿Unda jaꞌa ra chunthiaꞌa ni ra? Aro jeꞌe na̱ anto binthexraon na̱ ko kuiseꞌen na̱ ko banchangiꞌi choo na̱: —¿Kensen xii jiꞌi, ixin chrintho ko jinda dithikaon ngain xa?

Ko thi trigo binthji ngaa nthiꞌá, mee thi chujni thiꞌin juajnee Ndo Dio, aro thii nchiijin ko ndanchetjajin ngain anseen na̱ ko idithikaonꞌa na̱ ko ikjanꞌa na̱ inaa chujni narua.

Xruꞌin thi jima ko tsununxinꞌa, ko xruꞌin thi jima texraxaon ko chujni tsunueꞌa na̱; kain chunda ke tsununxin.

Nchrii mee are kunueꞌe nchra ixin chroꞌa rugema nchra, jeꞌe nchra kunchieꞌen nchra ko jixranga nchra bethuxin nchra chrika ruthee Jesús. Ko ngathexon kon kain chujni ndachro nchra ngain Jesús unda jeꞌe nchra kathe nchra ko kexreen jaikua ndakuxrueꞌen nchra. Kuthimejan Jesús ndachro ngain nchra: —Jaꞌa kuxruaꞌan ixin chunthia. Nchao sathji ko tunuꞌa chrjuin ngain ansean.

Ko ni bakao Jesús binchexingameꞌe na̱ ko ndachro na̱: —¡Suixin thi tjaago! ¡Suixin thi tjaago! ¡Ndatexinkanjingi ná jinda! Kuthimejan Jesús bingathjen ko kuetuꞌen chrintho ko jinda ixin taseꞌe, ko jinda ko chrintho tabeta. Ko kain xratao tabeꞌe.