Popular Bible Verses from San Lucas 9

Share

Kuthimejan jeꞌe ndachro ngain kain chujni te nthi̱ꞌa̱: —Ja̱ chrujan thi rinao rurueꞌe na, rugunda rutjañeꞌe kain thi jixraxaon sincheꞌe, maski anto tangi tsuꞌen ko ja̱ rugunda seꞌen, ruxrajon seꞌen, ko rurueꞌe na.

Ixin thi rinao xruꞌin tsuꞌen, chujni jiꞌi icha daka ndasitjaan. Aro thi ruxrajon tangi tsuꞌen ko ruxrajon seꞌen ixin tjaago thi jaꞌan nthaꞌa, chujni mee rukjan inaa chujni narua ko xruꞌin nchaꞌon seꞌen.

Aro Jesús ndachro: —Thi jitse niꞌnge, kuthimejan jichuntaunxin ton, chujni mee xruꞌin xree ngain thi thetuꞌan Ndo Dio.

Ixin xruꞌin xree ja̱ naa chujni sacha kainxin thi jii ngain nunthe jiꞌi ko ndasinchetjaan almee.

Ko ja̱ chrujan chujni tusuee runichja ixin jaꞌan ko ixin thi jian juajnana, kai jaꞌan, thi Xii juixin ngajni, tsusuaꞌna ixin chujni mee are siꞌi kunixin juachaxiin Ndudana ko kain angeel ndo jii nthi̱ꞌa̱ ngajni.

Jesús ndachro ngain thi xii mee: —Kain kuntha chunda ba thjaue ba dixiꞌin ba, ko kain kunthua chunda ba kakee ba, aro jaꞌan, thi Xii juixin ngajni, chundaꞌa thinoo tsenkjon jana.

Ko ndachro ngain na̱: —Thi chujni sayée naa xan nchinchjan ixin dithikaon na jaꞌan, kai sayéꞌna jaꞌan, ko chujni sayéꞌna na̱ jaꞌan kai sayée thi ruaꞌan na jaꞌan. Ixin thi icha rentheꞌa ngayaꞌa ra yaa thi rukjan icha renthe ngathexin kon Ndo Dio.