Popular Bible Verses from Lucas 8

Share

A̱ndá ti noa kꞌuitsínka nonte jína mé yóhe̱ ti chojni kuíhin ti itén Díos, la kaín a̱sén kuitekaon la kuíto̱ehya sin ti itan, ndá xi̱kaha jína chꞌehe sin Díos ixra̱.

A̱ndá ti noatje kꞌuitsínkakꞌá kachꞌi̱ la yóhe̱ ti chojni kuíhin ti itan jína, kjánchó tjinkíhya sin ti nkehe tjenka̱yáxin kixin na̱xa̱ tóxakohen sin ti ixra̱ chónta sin la ko tjinkaon sin tsochónta sin itsjé chichaon la ko ti nkehe tóxríhi̱n sin mé tꞌinkákonhe̱n la xitjahya sichꞌehe sin ixra̱ Díos.

Ti noa kꞌuitsínkakꞌá ixro̱ la yóhe̱ ti chojni kuíhin ti itén Díos la tjoka kóxríhi̱n la imá chéhe̱ kuitekaon, kjánchó ni̱nkahya chónta nuèé, ndá ti ó itsi ti kjuaxróxinhña, la tsíto̱he ti itén Díos kuíhin.

Ndá ndáche chꞌin Jesús ti sin kꞌuájiko: ―¿Nkekuènté chaxínhña titekáonra Díos? Kjánchó jehe sin la chrakon sin itjo sin kícho sin: ―¿Xá nkexro tíhi? Kixin tꞌe̱tue̱hen ti xri̱nto̱ la ko ti ìnta̱ la titekaon.

A̱ndá ti noatje kꞌuitsínka chrínta nti̱a mé tóyóhe̱ ti sin kuíhin ti itan jína, ndá ikui ti Jínahña la kjuínchekꞌitjáña kaín ti itén Díos kuíhin sin kixin tsitekakonhña sin ti nkehe chrókuaáxin sin.

*Kixin kohya nkehe chrókꞌuejómá ndá chrókónoxínhña; la ko kohya nkehe imó ninkexró noehña chrókónoxínhña chrꞌéxi̱n kixin kaín nkehe la tso̱noxíxin ti xrohi.

Ndá ti ó kuihin ti tjan kixin ó kónohe chꞌan la chrákon kon tjan kóchjina tjan la kjuákꞌexín tjan tochꞌin tjan nkayakon chꞌin Jesús. Ndá chrónka tjan nkayakon kaín chojni nkekuènté kuákóxi̱n tjan iké chꞌin Jesús la ko nkexrín kuito̱he tjan jína. Ndá chꞌin Jesús ndáchro: ―Xje̱eni, ó kuito̱ha jína kixin kuitekaoan ti janhan. Kjuaxróxin sátjia ndo̱a.

Ndá kjuínchekjaye̱he̱ sin chꞌan, la ndáchro sin: ―Maestro, Maestro, tjejótꞌániankíni ìnta̱. Ndá chꞌin Jesús kꞌuàya la kꞌue̱tue̱hen ti xri̱nto̱ la ko ti ìnta̱ kixin tsꞌixitán, ndá tuénxín kꞌuíxitá.