Popular Bible Verses from Marcos 10

Share

Kixin ti Xje̱en Díos kꞌóna Chojni mé kuihya kixin chrókjuichꞌehe chojni ixra̱ ti jehe chꞌan. Ikui chꞌan kixin sichꞌe chꞌan ixra̱ la ko tsꞌenyákohe̱n chꞌan nchónhña chojni kixin tsaá sin.

Ndá chꞌin Jesús komá ti jehe sin, la ndáchro: ―Chojni la tsjachahya sinchexiteyá tíha, kjánchó Díos la jína sichꞌe kaín nkehe, kixin Díos la kohya nkehe imá ixra̱.

Ndá chꞌin Jesús ndáchro: ―Ijie la jína sátjia. Ti kuitekaoan la kuíto̱axián jína. Ndá ti nkexro tꞌikonhña la tuénxín kꞌuíkon, la chréhe̱ chꞌan ti chꞌin Jesús.

Méxra̱ ti nkexro kónkojiéxin Díos, la chrókꞌuíto̱ehya kícho sin.

Ndá chꞌin Jesús komá ti nkexro a la kui̱konoéhe̱ chꞌan. Ndá ndáchro chꞌan: ―Na̱xa̱ tꞌitjáña jnko nkehe si̱chꞌe. Sátjia, nchekjia kaín ti nkehe chonta. A̱ndá ti chichaon si̱nchekjixián ti nkehe chonta la ncheki̱to̱nhén ti sin nóa, ndá ti nkehe tjete la tsochonta nkaya nka̱jní. A̱ndá ti ó tsjixin la chréhé ti janhan ―ichro chꞌin Jesús.

Ndá chꞌin Jesús kjuanchankí, ndáchro: ―¿Xá nkehe tjinkaoan chrókjui̱tꞌaha? Ndá kjuáte̱he ti nkexro tꞌikonhña ndáchro: ―Maestro, tjinkaoni chrókꞌuíkoni.

*Kjánchó jahara la xi̱kahña chrókjuáko̱xinra. Ti nkojinra tjinkáonra chrókuéto̱anra la ticháxi̱n sa̱o chrókjuínki̱tsara íso sin.

*Chaxín ndáxrja̱n kixin ti nkexro tsꞌónahña éxi ijnko xjan la xitjahya tsꞌixehen sin ti tsꞌe̱to̱an Díos.

*Kjánchó itsjé ti sin imá tjetoan ijie la ti ña̱o a la kanhñó tsotjetoan sin. A̱ndá itsjé ti sin kanhñó tjetoan ijie, la ti ña̱o a la tsꞌóna sin ijnko nkexro imá tjetoan.

*Kjánchó ti xránkíxixín ti ó kjuíchꞌéna Díos kaín nkehe la kjuíchꞌéna chꞌan ijnko chojnindoa la ko ijnko chojnichjin. *Méxra̱ ti chojnindoa la tsíto̱he ti itꞌé la ko ìñé la tsákja ti ichjién la yóí sin tsꞌóna sin éxi nkoko̱a chojni. Méxra̱ í jehya yaá chojni. Náhí, nkoko̱a chojni.