Popular Bible Verses from 'Make 2

Share

:Yee' :yeh or 'worn-ih'-a, :yee' or 'dae:, Nyor⧾ :on se-a puhba:, on se :korn on 'ye kwein: :di-nyor 'kwla⧾-' dih 'bhorn. Jorwor: nyor⧾ :an puhba-a, mo-: :korn :on 'ye kwein: :di-nyor 'kwla⧾-' dih 'bhorn. 'On :se 'de yi 'do 'yi 'sleh-nyor⧾-a' dhih bo. Jorwor: deh⧾-zon:⧾ :no-nyor:⧾, mo-: 'on yi 'da 'da, on 'ye an-a' deh⧾-zon:⧾ :no-eh 'bor.

:Yeh :Yusu' 'ye-a an-a' dhih 'jeh-' :po-eh: :eh :ne-a 'de on 'di, :yee' or :wlu-' 'de or bo, or 'dae:, 'An 'yu, :an-a' deh⧾-zon⧾-a' dhih 'ma-dih-eh: bo 'weh.

:Yee' or 'dae: :neheh', 'de on bo, Nyorsoa-a' :gwlee-we-eh :no-eh:-' 'do :gwlor-nyor⧾ bo. :Gwlor-nyor⧾ :se-' :no-eh: 'do eh bo.

:Ka :gwlor-nyor⧾ :dhie:-a 'i, :yee' :ka on 'ye-a' no, 'de on 'ye-a' 'de 'yu :dao' 'de :Yusu' bo kpa, :yee' ka se :ne. Eh-: no-eh, 'de on chlan 'bie' 'do 'gbu 'dlu, :dha :Yusu' :bleh-dih:-a 'i, 'de on 'dhle-dih-or 'do or-a'a: ken 'pehn-deh ken.

Jorwor: 'an mu-eh a :torne:, :ka 'yu an 'da-dih-a Nyor-kpalu-a' 'yu, or :korn-a 'kpih dha yao 'zorn, 'do deh⧾-zon⧾-a' dhih-a' bo 'ma-dih-eh bo. Eh-a' dhih, or :wlu-' 'de or bo, or 'dae:, 'An zela :on :gwluhuh', :sorn-', mu yai', 'duo: :an-a'a: ken 'pehn-deh-' :on 'ye 'de :on 'bli 'gbu mu.

Eh :kma 'i nyor 'ye :ao' 'da, 'de 'tiei-a' 'meheh'-yu: :daa bo, :eh :mor, :Sorn-', mu yai', 'duo: :an-a'a: ken 'pehn-deh-', :na, :on 'ye mu, :eh :zi 'o, :An-a' deh⧾-zon⧾-a' dhih 'ma-dih-eh: bo.

:Yeh an-a' klehkpeh, an pobo-a 'o, :yee' 'tiei-a' 'meheh'-yu: :dao', or :sorn-' 'weh, or 'duo: or-a'a: ken 'pehn-deh-', 'de or mu. :Yee' eh :florn-dih: an-a' klehkpeh-: worn, 'de an po Nyorsoa-a' 'nyne ya, an no, :A 'see deh 'ye, eh 'see :ao' ne :zai'.