Popular Bible Verses from Mk. 13

Share

Nemwi munozonyenywa ndivo veshe ngendaa yezina rangu. Asi iye unozoshingirira metsa kumagumo unozoponeswa.

Ngwarai, murinde; ngokuti imwimwi amuzii nguva iyo kuti inoguma riini.

Naapo vanozomukweya vechimupira mukutongwa, musazodembatemba ngepamberi kuti munozoereketenyi; asi ereketai kunyazwi ngechiri chemwapuwa ngeawa iro, ngokuti andimwipi munozoereketa, asi ndiMweya Wakachena.

Denga nenyika zvinozopinda, asi mazwi angu aatongozopindi.

“Asi ngendaa yezuva iro neawa iro, apana naumwe unozvizia, kunyazwi ngirosi dzomudenga nokuti Mukororo, asi ndiBaba ega.

Naapo mwoozwa ngokurwa nemawirira okurwa, musazotambudzika; izvi zvinosisira kuti zviitike, asi magumo aasati aguma.

Ndizvo rindai, ngokuti amuzii imwimwi kuti munewemhatso unoguma riini, dangani zuva rabira, nokuti pakati pousiku, nokuti ngokurira kwejongwe, nokuti mangwanani. Kuti pamweni echiguma ngokukasira iye asamuona mwakaata; neicho chendinoronza kwomuri, ndinoronza kwavari veshe: Rindai.”

Ngokuti dzinza rinozomukirana nedzinza, noumambo unozomukirana noumambo; kunozoapo kuzungunyika kwenyika kundau dzakaparadzana, kunozoapo nzara. Izvi zviri kutanga kwemadambudziko.

Nevhangeri rinosisira kutanga kuchumairwa kumadzinza eshe.

Vazhinji vanozouya ngezina rangu vechiti, ‘Ndini Kristu,’ navo vanozopaukisa vazhinji.

“Asi dzingwarirenyi imwimwi pachenyu; ngekuti vanozomupira kumakota; nemwi munozorohwa mumhatso dzavo dzokudira; munozoema pamberi pevatongi nemadzimambo ngepamusoro pangu, kuita chapupu pamberi pavo.

Ngokuti vanozoapo vaKristu vokunyepa nevaprofeti vokunyepa, navo vanozoita zvioniso nezvishamiso, kupaukisa vakatsanangurwa, kudai zvechibvira.

“Asi ngaawo mazuva, ngesure kwokutambudzika ukwo, zuva rinozoita chidima nomwedzi auzojeki; nenyeredzi dzinozowa kubva mudenga nemasimba omudenga anozozungunyiswa.