Popular Bible Verses from Luke 17

Share

Iya lalu bejaku ngagai orang Samaria nya, “Angkat nuan, lalu mupuk. Pengarap nuan udah ngeraika nuan.”

Lalu enti iya bedosa ngelaban nuan tujuh kali dalam sehari, lalu datai ngagai nuan tujuh kali, lalu iya nyebut, ‘Aku nesal ati ke penyalah aku,’ nuan enda tau enda ngampun iya.”

Lebuh siku ari bala sida meda diri udah gerai, iya nikal, lalu muji Allah Taala enggau nyawa ti inggar. Iya nyungkurka diri di kaki Jesus, lalu meri terima kasih ngagai Iya. Lelaki nya orang Samaria.

Bejaga kita! “Enti menyadi nuan bedosa, rara iya, lalu enti iya nesal ati, ampun iya.

Jesus lalu nanya, “Ukai enda sepuluh iku digeraika? Kini ke tunga sida ke semilan iku?

Tuhan lalu nyaut, “Enti kita bisi pengarap ngemesai igi ensabi, kita ulih bejaku ngagai kayu tu, ‘Awakka nuan dichabut, lalu ditanam ba tasik!’ iya deka ngasika kita.

Barang sapa deka ngidupka nyawa diri, deka ngelenyauka iya, tang barang sapa ngelenyauka nyawa diri, deka ngidupka iya.

Lalu ku Iya bejaku ngagai sida murid Iya, “Utai ti ngasuh orang bedosa endang deka datai, tang tulah orang ke ngasuh dosa nya datai! Manah agi enti batu kisar ditanchangka ba rekung iya, lalu iya dibuai ngagai tasik, ari ke nejuka iya ngasuh siku ari orang ke pemadu mit tu bedosa.

Baka lebuh maya Noah menya, baka nya mega utai deka nyadi lebuh hari Anak Mensia ila. Semua orang majak makai ngirup, jadi melaki-bini, nikah, nyentuk ngagai hari Noah tama ke dalam bandung, lalu ai bah datai lalu ngerusak semua sida.