Popular Bible Verses from Luke 18

Share

Iya lalu madahka siti sempama ngagai sida kena Iya madahka sida enda tau enda seruran besampi, lalu enda lemi semengat.

Enda ka Allah Taala deka nulung bala nembiak Iya, ke nyabak ngangauka Iya siang malam? Kati Iya deka ngerindang diri datai nulung sida? Aku madah ngagai kita, Iya deka nulung sida enggau jampat. Tang lebuh Anak Mensia datai, kati Iya deka tetemuka orang ke arap di dunya tu?”

Jesus lalu nyaut, “Utai ti enda ulih dikereja mensia, ulih dikereja Allah Taala.”

Hakim nya lama enggai nulung iya, tang udah nya iya lalu berunding, ‘Taja pen aku enda nangika Allah Taala, sereta enda bebasaka orang, tang laban indu tu balat ngiruh aku, aku deka nulung iya, enggai ke iya seruran datai kitu lalu ngelelakka aku ngapa!’ ”

Enggau bendar Aku madah ngagai kita, barang sapa enda nerima Perintah Allah Taala baka anak mit, enda ulih tama ngagai Perintah nya.”

Tang Jesus ngangauka sida anak mit nya ngagai Iya, lalu bejaku, “Awakka sida anak mit datai ngagai Aku lalu anang nagang sida, laban Perintah Allah Taala diempu orang ke baka sida tu.

Jesus lalu bejaku ngagai iya, “Awakka nuan ulih meda! Pengarap nuan udah ngeraika nuan.”

Jesus lalu bejaku ngagai iya, “Nama kebuah nuan ngumbai Aku badas? Nadai siku ti badas, kelimpah ari Allah Taala siku aja.