Popular Bible Verses from Mark 13

Share

Lalu semua orang deka begedika kita ketegal nama Aku. Tang orang ke tan datai ke ujung, deka diselamatka.

Bejaga, besedia, laban kita enda nemu kemaya hari nya deka datai.

Lebuh sida mai kita ngagai kot lalu nyerahka kita, anang irauka utai ti deka disebut kita. Tak sebut aja sebarang utai ti diberi ngagai kita lebuh maya nya, laban ukai kita ke bejaku, tang Roh Kudus.

Langit enggau dunya deka lenyau, tang leka jaku Aku enda lenyau.

“Tang nadai orang nemu hari tauka jam. Melikat ke di serega enda nemu, lalu Anak Mensia pen enda mega nemu. Semina Apai aja nemu.

Lebuh kita ninga munyi perang enggau berita perang, anang takut. Utai nya enda tau enda nyadi, tang pengujung apin datai.

Nya alai, bejaga kita, laban kita enda nemu kemaya tuan rumah nya deka datai, nemuka lebuh lemai hari, tauka ba urung tengah malam, tauka sebedau dini hari, tauka ba urung rerak tawas, enggai ke iya tetemuka kita tinduk lebuh iya ngenyit datai. Nya alai Aku madah ngagai semua kita: Bejaga.”

Bansa deka beperang ngelaban bansa, lalu menua deka beperang ngelaban menua. Tanah berenyang deka nyadi ba mayuh bengkah endur. Lapar pungkang deka nyadi. Utai tu semina pun iya aja, baka indu ke radai deka beranak.

Lalu Berita Manah enda tau enda dulu ditusui ngagai semua bansa.

Mayuh orang deka datai ngena nama Aku, lalu bejaku, ‘Aku tu meh Iya!’ lalu sida deka nesatka mayuh orang.

“Tang kita empu enda tau enda bejaga; laban kita deka diserahka ngagai Kunsil; lalu kita dipalu dalam balai gempuru; lalu kita deka bediri di mua gabenor, enggau di mua bala raja ketegal Aku, ngambika kita besaksi ngagai sida.

Laban Kristus ti pelesu, enggau nabi ti pelesu deka pegari, lalu ngereja mayuh kereja ajih, enggau kereja ti nyelai kena nesatka bala nembiak ke udah dipilih Allah Taala, enti ulih.

“Tang lebuh maya nya ila, udah bekau penusah ti besai nya nyadi, mata hari deka piam, lalu bulan enda agi manchar, lalu bintang deka labuh ari langit, lalu kuasa ti di langit deka begetar.