Popular Bible Verses from Mark 14

Share

Ku Iya besampi, “Abba, Apai, ba Nuan semua utai ulih magang. Ambi mangkuk tu ari Aku, tang ukai nitihka peneka Aku, tang nitihka peneka Nuan.”

Bejaga sereta besampi, ngambika kita enda kena laban penguji. Ati amat deka, tang tubuh lemi.”

Enggau bendar Aku madah ngagai kita, di sebarang endur Berita Manah tu ditusui di serata dunya, utai ti udah dikereja iya deka ditusui kena ngingatka iya.”

lalu ku Iya bejaku ngagai sida, “Ati Aku balat tusah, asai ke deka mati. Tinggal ditu lalu anang tinduk.”

Lebuh sida benung makai, Iya ngambi roti, lalu lebuh Iya udah merekat roti nya Iya lalu mechahka roti nya, meri roti nya ngagai sida murid Iya, lalu bejaku, “Empa; tu tubuh Aku.”

Udah nya Iya ngambi mangkuk, lalu lebuh Iya udah meri terima kasih, Iya lalu nyuaka mangkuk nya ngagai sida, lalu semua sida bela ngirup ari mangkuk nya. Ku Iya bejaku ngagai sida, “Tu darah Aku, darah sempekat, ti dituang ke orang mayuh.

Jesus lalu bejaku ngagai sida, “Semua kita deka ninggalka Aku, laban endang udah ditulis, ‘Aku deka munuh pengibun bedus, lalu raban bedus deka pambar.’

Angkat. Aram kitai mupuk. Peda kita, orang ke nyual Aku udah datai!”

Jesus lalu bejaku ngagai iya, “Enggau bendar Aku madah ngagai nuan, sehari tu, malam tu, sebedau manuk mengkukuk kedua kali, nuan udah besangkalka Aku tiga kali.”