Popular Bible Verses from KINOSOLIWANAN 7

Share

Om boros kad TUHAN dot id di Musa, “Silihon ku indo iya' do miagal do Kinorohingan dot id toguang di raja', om i Harun i tobpinai nu o silihon ku do miagal do nabi nu, do popolombus di boros nu dot id raja'.

Nga' pokodohon ku nondo o ginawo di raja', om a' indo iyau mokinongou do nunu nopo o poboroson nu do mulong piya dot ogumu' o porikoton ku do kosusaan dit awagat kopio do hilo'd Masir. Om porikatan ku nondo do hukuman dit awagat kopio o hilo'd Masir, om posoliwanon ku nogindo o koinsanai'd tulun dot Israil, i tulun ku, do mantad id pomogunan do Masir.

Om koilo nogindo i tulun do Masir dot iyoho' o TUHAN, do tontok do hukuman ku iyolo' om posoliwanon ku o tulun dot Israil do mantad id pomogunan diyolo',” ka dau.

Om lohowo' noddi di raja' i tulun dau dit ongkitoilaan om i bobolian, om wonsoyo' no diyolo' o miagal di winonsoi di Harun tu' iyolo' nga' ongkitoilaan i'. Poloposo' no diyolo' i sukud diyolo', om siliu ngai' nopo iri do tulanut. Nga' pintalanai noddi di sukud di Harun i diyolo'd sukud.

Gowoi poddi, om baino' nopondo, oi Tuan Raja', om nokoboros nod TUHAN dot oilaan nu indo ondung isai kopio iyau do kokito ko di wonsoyon dau. Intong pogi', bobogon ku nondo diti sukud ku iti waig do bawang om osiliu indo do raha' ilo waig.

“Ondung suhuon kou di raja' do momonsoi do koimayaan, om suhuon no i Harun do manganu di sukud dau om papataam diri do hiri'd dotoguangan di raja', om sumiliu indo do tulanut i sukud,” ka dau. Om ongoi noddi iyo Musa di Harun solowot di raja' om wonsoyo' no diyolo' o miagal di pinonuhuan do TUHAN dot id diyolo'.