Popular Bible Verses from KINOSOLIWANAN 8

Share

Om umbal no daa i bobolian do mamakai di toilaan diyolo', nga' aiso' i' o togondui do minimbulai. Om hinonggo-honggo nopoddi nga' haro ngai' nopo o togondui. Om boros kaddi di bobolian dot id raja', “Kinorohingan no moti' kopio o pinopoimbulai diti togondui diti,” ka diyolo'. Nga' okodou kasai' i' o ginawo di raja' do miagal di nokoboros mantad do TUHAN, om a' i' i raja' minokinongou do boros diyo Musa di Harun.

Om boro-boros noddi o TUHAN dot id di Musa do poingkaa, “Mongoi no solowot di raja' om poboroson no do poingkaa o boros do TUHAN, ‘Pabanaro' no ilo tulun ku do sumoliwan, om koongoi i' iyolo' kasambayang dot id doho'.

Nga' soira' di nokito di raja' do nangapatai i bonong, om pokodoho' i' kawagu di raja' o ginawo dau, do miagal di nokoboros mantad do TUHAN; om a' iddi i raja' minokinongou di boros diyo Musa di Harun.

Tu' ondung a' nu uhang om hukuman ku motindo iti pomogunan nu; om ponuon ku nopondo do bonong iti pomogunan nu tu' iri no o pomohukum ku.

Om boros kad TUHAN dot id di Musa, “Suhuo' i Harun do popobobog di sukud dau do hilo'd tana', om osiliu i' do togondui ilo pupuk do tana' do pointongkop diti pomogunan do Masir,” ka dau.

Om porikatai noddi do TUHAN do langau dot ogumu' kopio o hiri'd walai di raja', om hiri'd kawalayan di tongomontiri' dau. Om ongoinggorit ngai' nopoddi o pointongkop di pomogunan do Masir tu' nongourunan pod langau.