Popular Bible Verses from Yauhaas 14

Share

“Kev nyaabxeeb yog yaam kws Kuv tseg ca rua mej; txuj kev nyaabxeeb kws Kuv muab rua mej nuav yog Kuv le. Kuv muab rua mej zoo tsi thooj le tuabneeg nplajteb muab. Mej tsi xob poobsab hab tsi xob ntshai.

Yexus teb tas, “Kuv yog txujkev, yog qhov tseeb, hab yog txujsa. Tsi muaj leejtwg moog cuag tau Leejtxiv, tsuas yog lug ntawm Kuv moog xwb txhaj tau.

Yexus has rua Nwg cov thwjtim has tas, “Mej tsi xob poobsab. Cale ntseeg Vaajtswv hab ntseeg Kuv.

Tug Paab kws yog Vaaj Ntsujplig tug Dlawbhuv, kws Leejtxiv yuav khaiv lug huv Kuv lub npe lug, nwg yuav qha txhua yaam rua mej hab ua rua mej ncu txhua yaam kws Kuv tau qha rua mej lawm.

“Tug kws leeg yuav Kuv tej lug qha hab ua lawvle tej lug ntawd, tug ntawd yog tug kws hlub Kuv. Tug kws hlub Kuv, Kuv Txiv yuav hlub tug ntawd; Kuv yuav hlub nwg hab yuav qha Kuv tugkheej rua nwg.”

Kuv yuav thov Leejtxiv, hab Nwg yuav khaiv dlua tug Paab lug, kws yuav nrug mej nyob moog ibtxhis. Nwg yog Vaaj Ntsujplig, Nwg yuav qha qhov tseeb txug Vaajtswv rua mej. Tuabneeg nplajteb yuav leeg txais tsi tau Nwg, ruaqhov puab tsi pum Nwg lossis tsi paub Nwg. Tabsis mej paub Nwg, ruaqhov Nwg nrug mej nyob hab Nwg nyob huv mej.

Hab yog mej tuav Kuv lub npe thov ib yaam dlaabtsi Kuv yuav muab yaam ntawd rua mej, sub Leejtub txhaj yuav ua rua Leejtxiv tau ntsejmuag. Yog mej tuav Kuv lub npe thov kuas Kuv ua ib yaam dlaabtsi, Kuv yuav ua yaam ntawd rua mej.

“Yog mej hlub Kuv, mej yeej yuav ua lawvle Kuv tej lug qha.

Huv Kuv Txiv lub tsev muaj ntau chaav; Kuv taabtom yuav moog tu chaw tog mej. Yog tsi muaj le ntawd, Kuv yeej yuav tsi qha le nuav rua mej.

Thaus kws Kuv tu tau chaw rua mej lawm, Kuv yuav rovqaab lug hab tog mej moog nrug Kuv nyob, sub Kuv nyob qhovtwg mej txhaj yuav tau nyob qhov ntawd.

Thaumas has rua Yexus tas, “Tug Tswv, peb tsi paub sov Koj yuav moog qhovtwg; yogle ntawd, peb yuav ua lecaag paub kev moog?”