Popular Bible Verses from Lukas 17

Share

Hab Yexus has rua tug ntawd tas, “Koj ca le sawv tseeg moog tsev; koj txujkev ntseeg tub ua rua koj tej ruas zoo lawm.”

Yog ib nub nwg ua txhum rua koj xyaa zag, hab txhua zag kws nwg tuaj leeg rua koj has tas, ‘Kuv ua txhum lawm,’ koj yuavtsum zaam txim rua nwg.”

Puab cov ntawd muaj ib tug pum has tas, nwg tej ruas zoo taag lawm, nwg txawm rov qaab lug hab has nrov nrov ua Vaajtswv tsaug. Nwg txhus caug ndlua ntawm Yexus kutaw ua Yexus tsaug. Tug ntawd yog tuabneeg Xamalis.

Yog le ntawd, mej yuavtsum ceevfaaj zoo! “Yog koj pum koj ib tug kwvtij ua txhum rua koj, koj yuavtsum ntuag nwg. Yog nwg leeg nwg tej kev txhum lawm, koj ca le zaam txim rua nwg.

Yexus has tas, “Kaum leej tub zoo huv tuabsi lawm; cuaj leeg dlua twg taag lawm?

Tug Tswv has rua puab tas, “Yog mej muaj kev ntseeg luaj le lub noob zaub, mej yuav has rua tsob ntoo zaub kaab nuav has tas, ‘Koj ca le rhu hlo moog cog rua huv havtxwv,’ ces tsob ntoo zaub kaab ntawd yuav noog mej has.

Tug kws khauvxwm nwg txujsa, tug ntawd yuav tsi tau txujsa; tug kws tsi khauvxwm nwg txujsa, tug ntawd yuav tau txujsa.

Yexus has rua nwg cov thwjtim has tas, “Ua le caag los yeej yuav muaj ib yaam ua rua tuabneeg ua txhum, tabsis tug kws ua yaam ntawd, nwg yuav raug kev puamtsuaj! Yog tug ntawd ua rua cov mivnyuas nuav ib tug ua txhum, ca le muab hlua khi ib txhib zeb kws luj dlai rua tug ntawd cejdlaab hab coj nwg moog pov rua huv havtxwv yuav zoo dlua!

Tam kws Nau-es ua neej nyob zoo le caag, lub sijhawm kws Tuabneeg Leej Tub lug yuav zoo ib yaam nkaus le ntawd. Tej tuabneeg suavdlawg naj nub noj haus, ua tshoob ua kug moog txug nub kws Nau-es nce moog rua huv nkoj, hab dlej lug nyaab tej tuabneeg ntawd tuag taag huv tuabsi.