Popular Bible Verses from Génesis 27

Share

Tumpa tumeeñoi ndewe jekuaeño ɨsapi umbɨu kawi waerä nderemitɨ reta, jare tiawɨye kawi ndewe ndeko rupi, jare tumeeñoi ndewe jeta trigo jare jeta uva wi. Tuiko jeta ambɨe ɨwɨ pewa reta uyeyokui ndewe waerä, jare tuñeñono reta ɨwɨ re uipɨu rewe nderowai. Tumpa tumee wi ndewe nenoi waerä mbaepuere nerëtara reta re, jare ndesɨ imembɨ reta wi tuñeñono ɨwɨ re uipɨu rewe nderowai. Jare ipotawe kía uyepɨpeyu nderé wae, toa jese yepɨpeyu. Jare ipotawe kía jei ndewe, ‘Tumpa tuyapo ikawi wae ndewe,’ jei wae, Tumpa tuyapo chupe wi ikawi wae.” Jukuärái jei Isaac Jacob pe.

Esaú jei: “Jayawe, ¡jaekawi pembɨjee Jacob! Echa’ä mokui wese ma upɨ̈ro chewi mbae: tenonde yawe upɨ̈ro chewi taɨrɨpɨyekou, jare añawe upɨ̈ro chewi mbae ikawi wae Tumpa umeeta tëi iko chewe wae,” jei. Jare Esaú uyerure ye tu pe: “¿Mbaetɨ ye ma pa chemaerä mbae ikawi wae Tumpa umeeta tëi iko chewe wae?” jei chupe.

Jayawe tu Isaac jei chupe: “Mbɨrɨ ndikota ɨsapi umbɨu kawi temitɨ reta wae wi jare ɨwɨ umee kawi mbaewɨye reta wae wi. Ndikota neï pëti iñerärose wae. Jare nepɨ̈rota ïru wae reta wi imbaembae, jare jokua re ndikota neï. Ndiyeyokuita neï nderɨwɨ pe mbowɨ año pewaño. Erëi pëti ara nembowaichota neï, jare joko wiwe ndiyeyokuita’ä ma chupe.” Jukuärái Isaac jei Esaú pe.

Erëi Esaú jeiete jei chupe: “Tumpa umeeta oï cherɨwɨ pe wae, ¿mbaetɨ ye ma ra pëti awe chemaerä? ¡Mbae ikawi wae Tumpa tumee wi chewe, cheru mii!” jei Esaú uyao rewe tu pe.