Popular Bible Verses from Mark 12

Share

Yeso bəŋsə tɨ́ ŋwə laa, «Njyə vɨsɨ lùu laa, «Viŋ zɔ mɔɔ, vɨɨ Isirayl, tɨta Nwi lùu Nwi ŋwaa-nsiŋ. Luu sheꞌ ŋwə lùu Nwi. Kɨ kaw Tɨta, Nwi wə, nə fwi yə yinshə, kaw ŋwə nə ŋwaa wə nshə, baa nə mbɨꞌtə yə yinshə, nə wutə kə kənshə!» Ntɨ njyə faŋ nyə beꞌsə, lùu laa, «Kɨ kaw wənjɨɨ wə yaa nshɨ-tɔ wə!» Ntɨ yimɔ́ꞌ kee baa lùu shɔ faŋ nyə shɔ̀ɔ nsə-wə me.»

Yeso ye, tìi vɨɨ məzwetə nu ki yɨ ŋwə, gì tɨ́ vəŋ laa, «Maa viŋ nii yè zu ŋku wì faŋ ŋwə luu mbəə nə. Viŋ zɔ! Mə gì tɨ́ viŋ yinsəŋ laa ŋwə mɔ̀ꞌ ka, ŋwə yaŋ shɔ̀ɔ ŋgwə vɨɨ vənshə faŋ vəŋ nii mɔ̀ꞌ ka taa ŋwaꞌ məmɔꞌ ka tɨ́ Nwi. Mə gì nɨniŋ, buꞌ laa vɨɨ vənshə jwi mɔ̀ꞌ, bə̀ fa taa mba. Gə fɨ maa wəzwi ghɔ́, ŋwə jwi mɔ̀ꞌ sheꞌ fa ŋkɨə faŋ ŋwə kìi, kee baa bə̀ tuu fa yiba laa ŋwə gə zɨ̀ fɨ fuŋ me.»

Yeso kɨ nii gə̀ dùꞌnə nsi vɨsɨ shəŋ məmɔꞌ ka taa ŋii Nwi yikwalə, kɨ ye faŋ vɨɨ mɔ̀ꞌ ka taa ŋwaꞌ məmɔꞌ ka. Vɨɨ təka vəyaŋ mɔꞌ ka yaŋ. Zu ŋku mɔ́ꞌ faŋ nə luu mbəə, jwi mɔ̀ꞌ vəfɨlaŋ tee.

Baa nə nu məkaw Nwi nə fwi yinshə nə yitɔfə yinshə nə wutə kənshə, baa nə nu məkaw wənjɨɨ wə yaa nshɨ-tɔ wə, vənu vɔ́ bàw shɔ̀ɔ vənu və mətwaŋ nyaasə nə məsɨɨ nyaasə, kɔ̀ Nwi shɔ.»

Yeso zɔ bəŋsə vəŋ, gi laa, «Viŋ kɔ fa Kaysa tɨ́ Kaysa, kɔ̀ fa Nwi tɨ́ Nwi.» Shuu vəŋ yɔŋ maa ŋwə.