Popular Bible Verses from Mark 6

Share

Yeso gi tɨ́ vəŋ laa, «Viŋ jwi, nsiŋ kəə shəŋ yiba, gə̀ shə̀ŋ ŋwaa shɔ.» Ŋwə nə gì nɨniŋ buꞌ laa vɨɨ vəyaŋ nəə jɨjwi baa gə̀, tɨ́ la vəŋ kee kìi tuu yighee maa məzɨ fazɨ me.

Ŋwə gi tɨ́ vəŋ laa, «Vɨ yaa kɨ shiasə nshiiŋii-sɔghɔ sheꞌ ntɨꞌ ŋwə nə taa ŋiꞌ ŋii ki nə fu ŋwə. Vɨ kee yaa kɨ shiasə ŋwə shəŋ day me.»

Nɨniŋ, Yeso kɨ fùu fɨ taa bay, yè ŋkee nwaa vɨɨ vəyaŋ, kèe gəŋsə vəŋ, buꞌ laa vəŋ nə luu yaa bisə-njɨɨ faŋ nsə kee kii nshii me. Ŋwə tey kɨ deesə vənu tɨ́ vəŋ ŋkee vəyaŋ.

Nɨniŋ ghɔ́, kaꞌ ŋwə kee yɨ̀ nu kwalə ntɨꞌ vəŋ me, tɨ̀ lɨꞌ sheꞌ laa ŋwə mɔꞌ ghɔ tɔ mbusə vɨɨ faŋ vəŋ nə kii vəza, yɨ̀sə vəŋ bwaŋnə. Shuu Yeso yɔŋ, buꞌ faŋ vəŋ kee bìŋ nu Nwi me. Ŋwə kɨ nii gə̀ kɨ toꞌ fɨ taa vaŋ-ntɨꞌsə faŋ nsə kìa ntɨꞌ vəŋ, deesə nu Nwi tɨ́ vɨɨ.

Yeso kɨ nii ndì yighɨsə bee yɔ́ tee nə, nə susə sɔ́ səbɔɔ, ndèynə yizɔ, shɔ̀ꞌtə Nwi, kɨ nii bɨꞌ, kɔ̀ tɨ́ vɨɨ məzwetə nu ki laa vəŋ gaa tɨ́ vɨɨ vɔ́. Ŋwə gaa susə sɔ́ səbɔɔ tɨ́ vɨɨ vənshə nɨzi. Vɨɨ vənshə zɨ zwə̀kə. Vəŋ bwilə vəbɨꞌ vəbee nə susə, lwèsə ŋkɔɔsə njɔsə-bɔɔ shɔ.