Popular Bible Verses from Mark 5

Share

Yeso gi tɨ́ ŋwə laa, «Ŋwiŋ ŋwaa, a nùŋ fwi yə maa mə, buu a bwaŋnə̀. Gə nə mənɔŋ-bwaŋnə! Za kɔ́ mè fɨ maa ghɔ.»

Wəzwi mɔ́ꞌ nə luu shɔ taa ŋwaa vɨɨ vɔ́ faŋ ŋwə nə luu kwii day maa ŋuꞌsə njɔsə-bɔɔ, tòꞌ ndɔꞌ vəfɔ yaŋ, yè ŋɨꞌ shɔ, bɨ̀sə ka wi nshə, kee bee bwàŋnə me. Nyə kɨ jɨjwi shɔ̀ɔ yighee vɨsɨ.

Ŋwə kɔŋ njwi Yeso, kwii day ghɔ́ mè fɨ maa ŋwə yighee muꞌ. Ŋwə zɔ ŋwaa wi laa yi duꞌtə yi bwaŋnə fɨ maa za.

jìa wee ghɔ́ fɨ kwiŋ ŋwə, gì laa, «Talita kumi», faŋ lùu laa, «Wee-wəzwi, ndɔ yizɔ!»

Sheꞌ faŋ Yeso kɨ bii gisə, vɨɨ mɔ́ꞌ jwi fɨ fu tɨɨ ŋii məshɔꞌtə Nwi, gì laa, «Ŋwiŋ wə kù. Kɨ ghɔ baa kɔ ŋɨꞌ tɨ́ tɨta ŋwaa-nsiŋ me!» Yeso zɔ yigi yɔ́, gì tɨ́ tɨɨ ŋii məshɔꞌtə Nwi ghɔ́ laa, «Kɨ ghɔ fee me! Jia fwi yə!»

Ŋwə nə gì nɨniŋ buꞌ laa Yeso nii gì tɨ́ zwitə bwə kɔ́ laa ŋkə fuu fɨ maa ŋwə. Yeso kɨ nii bìtə tɨ́ ŋwə laa, «Yizii yə lùu kə?» Ŋwə laa, «Yizii nyaa lùu Ŋkaŋsə, buꞌ laa yia lùu vəyaŋ.»