Popular Bible Verses from Genesis 25

Share

Agus thubhairt an Tighearna rithe, Tha dà chinneach ad bholg, agus bidh dà shluagh air an sgaradh od innibh: agus bidh aon sluagh dhiubh seo nas treasa na an sluagh eile; agus nì esan as sine seirbhis dhàsan as òige.

Agus thubhairt Esau ri Iàcob, Leig dhomh ithe, guidheam ort, den bhrochan dhearg sin fhèin; oir tha mi fann: uime sin thugadh Edom mar ainm air.

Agus ghuidh Isaac an Tighearna airson a mhnà, a chionn gu robh i neo‐thorrach: agus dh’èisd an Tighearna ris, agus dh’fhàs Rebecah a bhean torrach.

Agus thubhairt Esau, Feuch, tha mi dlùth don bhàs; agus ciod an tairbhe a tha anns a’ chòir‐bhreithe seo dhòmhsa? Agus thubhairt Iàcob, Mionnaich dhòmhsa an‑diugh; agus mhionnaich e dha: agus reic e a chòir‐bhreithe ri Iàcob.

Agus na dhèidh sin thàinig a bhràthair a‑mach, agus greim aig a làimh air sàil Esau; agus thugadh Iàcob mar ainm air: agus bha Isaac trì‐fichead bliadhna a dh’aois nuair a rugadh iad.

Agus ghràdhaich Isaac Esau, a chionn gun d’ith e de a shidhinn; ach ghràdhaich Rebecah Iàcob.