Popular Bible Verses from Luka 8

Share

U ezone raha manoḡano rururuꞌetaꞌe, mene ḡurireꞌenaꞌa zama manoḡano Badiꞌa ḡoere igiꞌohe. Ebu zeꞌe aduga hideꞌe rehano, Badiꞌaꞌa matuꞌeꞌeteꞌe haḡaiḡa haḡaeꞌenaꞌa, hudauꞌohe.

Ezone ve renoga zamaḡano rururuꞌetaꞌe, ze Badiꞌa ḡoere igiꞌohe. Rehano radiuꞌeteꞌe madaḡano, zamarone aduga borofeꞌohe, haba toheḡa ufeta zamareꞌohe zu haba ḡauḡa manomano hina ufeta matuꞌeꞌohe. Eꞌanoꞌo zeꞌe mene iniꞌohe.

Ezone hadi habaꞌano rururuꞌetaꞌe, Badiꞌa ḡoere igiꞌetene matuꞌuzeta mae ḡihineꞌohe. Rehano ze fieꞌe ire taiga oꞌoꞌa heuḡa, eꞌanoꞌo mada tahiḡa daꞌo fieꞌohe. Ebu Sataniꞌa tuhuze nuriꞌetene uiteꞌohe.

Ebu Iesuꞌa ziro, raenaꞌa, “Za eḡe mazao mene fieꞌohe!” Rehano, zeḡe niduꞌa rihauꞌenaꞌa zu zaguzagauꞌenaꞌa, ḡadititiro. “Ahiꞌe iniu? Aniꞌa zavara zu saꞌu riḡa ḡorezitene, ḡoeꞌa egohuꞌohe!”

Ezone ibio ruruneꞌetaꞌaꞌe, vazeꞌa Badiꞌa ḡoere igiꞌohe. Rehano zeꞌa Badiꞌa ḡoere mene mae ḡihinadu ḡabone mene hidifine, Sataniꞌa zeḡe zamaonoꞌo Badiꞌa ḡoere mae vaḡineꞌohe.

Ihureꞌa ḡau niduꞌa aganeꞌeteꞌe teige, ꞌuꞌuru radiuꞌeteꞌe ḡauḡa niduꞌa fureraꞌuma. Ebu ogone ḡahineꞌeteꞌe ḡauḡa zuni horoniꞌuma.

Iesuꞌa ꞌouge zirotene roḡae eꞌe ani mazao naginiꞌa fureraroteꞌe uꞌuranoga mene idaḡa rae zamariro. Ebu ani rihauꞌenaꞌa rereru Iesu vaḡe onadu ani oda babaḡano tuḡe ḡuḡuriro. Ebu ani nougadu Iesu dabuꞌa tuꞌinateꞌe, zu ḡarihe manorateꞌe hariḡa vaze niduꞌa ziro. Ebu Iesuꞌa roḡae eꞌe ninaꞌa, “Aboe, ḡaꞌe eḡe mazao fiateꞌe uꞌano, ugiḡoꞌa manoreha. Eꞌanoꞌo matuꞌuḡota onamoꞌi!”

ꞌOugirotene, Iesu tahiꞌatahiꞌaꞌa ani evaniro, raenaꞌa, “Zuhiꞌa Boro, Zuhiꞌa Boro, eme izidi hunuhuneꞌohe!” Ebu Iesuꞌa evatadu zavara zu saꞌu riḡa ḡoreziro, raenaꞌa, “Sifu radadu roḡeranoꞌi!” Ani ꞌouge reirotene, zavara zu saꞌuꞌa hauḡiro zu duꞌuraꞌa roḡeraro.