Popular Bible Verses from Zan 5

Share

Tiɲɛ tiɲɛ na, ne b'a fɔ aw ye ko ni mɔgɔ min ye n ka kuma lamɛn ka la n cibaga la, o tigi ye nii banbali sɔrɔ. A tena kiti, a niin bɔra saya la ka don hɛrɛ la ka ban.

Yezu ye cɛɛ lanin ye, k'a lɔn ko a banatuma mɛnna kosɔbɛ. A y'a ɲininga ko: «I b'a fɛ ka kɛnɛya wa?»

Aw be Ala ka kuma kalan kosɔbɛ bari aw be miiri ko aw bena nii banbali sɔrɔ o kalan fɛ. K'a sɔrɔ o kuma nunu be ne le koo fɔ. Aw do t'a fɛ ka la ne la waasa ka nii sɔrɔ.

Yezu y'a fɔ a ye ko: «Wili k'i ka dilan ta ka taama.» O yɔrɔnin bɛɛ, cɛɛ kɛnɛyara, a wilila k'a ka dilan ta ka to ka taga. O loon nin tun ye lafiɲɛlon ye.

O la, Yezu ye kuma ta k'a fɔ u ye ko: «Tiɲɛ tiɲɛ na, ne b'a fɔ aw ye ko Deen te se ka foyi kɛ a yɛrɛ ma. A b'a Faa ka kɛta le filɛ. Ni Faa ye fɛɛn o fɛɛn kɛ, Deen fana b'o ɲɔgɔn kɛ.